വാഷിംഗ്ടണ്: ലോകത്ത് കോവിഡ് ബാധിച്ചവരുടെ എണ്ണം 48 ലക്ഷത്തിലേക്ക്. ഔദ്യോഗിക കണക്കുകള് അനുസരിച്ച് ലോകത്താകെ 47,99,266 പേര്ക്കാണ് രോഗം ബാധിച്ചിട്ടുള്ളത്. അതില് 3,16,519 പേര്ക്കാണ് വൈറസ് ബാധയേത്തുടര്ന്ന് ജീവന് നഷ്ടമായത്.
അതെ സമയം ഇന്ത്യയിലും കോവിഡ് ബാധിതരുടെ എണ്ണത്തില് വന് വര്ധനയുള്ളതായ് കണ്ടെത്തി. 24 മണിക്കൂറിനിടെ 5242 പേര്ക്കാണ് രാജ്യത്ത് പുതുതായി കോവിഡ്19 സ്ഥിരീകരിച്ചത്. 24 മണിക്കൂറിനിടെ 157 പേര് മരിക്കുകയും ചെയ്തു. ഒരു ദിവസത്തിനിടെ ഇന്ത്യയില് ഉണ്ടാകുന്ന ഏറ്റവും കൂടിയ കേസുകളാണിത്.
കേന്ദ്ര ആരോഗ്യ മന്ത്രാലയം പുറത്തുവിട്ട ഏറ്റവും പുതിയ കണക്കുകളനുസരിച്ച് രാജ്യത്ത് ഇതുവരെ 96,169 പേര്ക്ക് രോഗം സ്ഥിരീകരിച്ചിട്ടുണ്ട്. ആകെ മരണം 3029 ആയി. അടച്ചിടല് നാലാം ഘട്ടത്തിലേക്ക് പ്രവേശിച്ചിട്ടും രോഗബാധിതരുടെ എണ്ണത്തിലെ വളര്ച്ച ആശങ്കക്കിടയാക്കുന്നുണ്ട്. സാമ്പത്തിക പ്രവര്ത്തനങ്ങള് പുനഃസ്ഥാപിക്കുന്നതിനായി കൂടുതല് ഇളവുകളോടെയാണ് നാലാംഘട്ട ലോക്ക്ഡൗണ്.
ഏറ്റവും കൂടുതല് കേസുകള് റിപ്പോര്ട്ട് ചെയ്തിട്ടുള്ള മഹാരാഷ്ട്രയില് രോഗബാധിതരുടെ എണ്ണം 33053 ഉം മരണം 1198 ഉം ആയിട്ടുണ്ട്. രണ്ടാമത് ഗുജറാത്തും മൂന്നാമത് തമിഴ്നാടുമാണ്. ഡല്ഹിയാണ് രോഗബാധിതരുടെ എണ്ണത്തില് നാലാമതുള്ളത്.
വിവിധ രാജ്യങ്ങളിലെ രോഗബാധിതരുടെ എണ്ണം അമേരിക്ക- 15,27,664, റഷ്യ- 2,81,752, സ്പെയിന്- 2,77,719, ബ്രിട്ടന്- 2,43,695, ബ്രസീല്- 2,41,080, ഇറ്റലി- 2,25,435, ഫ്രാന്സ്- 1,79,569, ജര്മനി- 1,76,651, തുര്ക്കി- 1,49,435, ഇറാന്- 1,20,198, ഇന്ത്യ- 95,698.
മേല്പറഞ്ഞ രാജ്യങ്ങളില് കോവിഡ് ബാധിച്ച് മരിച്ചവരുടെ എണ്ണം ഇനി പറയും വിധമാണ് അമേരിക്ക- 90,978, റഷ്യ- 2,631, സ്പെയിന്- 27,650, ബ്രിട്ടന്- 34,636, ബ്രസീല്- 16,118, ഇറ്റലി- 31,908, ഫ്രാന്സ്- 28,108, ജര്മനി- 8,049, തുര്ക്കി- 4,140, ഇറാന്- 6,988, ഇന്ത്യ- 3,025.
