കുതിച്ചു കയറ്റത്തിൽ നിന്ന് കുത്തനെ ഇടിഞ്ഞ് സ്വർണം

കൊച്ചി: കുതിച്ചു കയറ്റത്തിൽ നിന്ന് കുത്തനെ വില ഇടിഞ്ഞ് സ്വർണ വില. ഇന്ന്  320 രൂപയാണ് കുറഞ്ഞതോടെ പവന് 38, 560 രൂപയായി. 4820 രൂപയാണ് ഗ്രാമിന്റെ വില. 

ആഗോള വിപണിയിൽ സ്‌പോട്ട് ഗോൾഡ് വില ഔൺസിന് 1,933.37 ഡോളറായി കുറഞ്ഞു. 2,000 ഡോളറിനുമുകളിലെത്തിയ വിലയാണ് രണ്ടാഴ്ചകൊണ്ട് ഈ നിലവാരത്തിലെത്തിയത്. യുഎസ് ഫെഡ് റിസർവിന്റെ തീരുമാനങ്ങളും വൻതോതിലുള്ള ലാഭമെടുപ്പുമാണ് സ്വർണവിലയെ ബാധിച്ചത്.