ആലപ്പുഴ: സംസ്ഥാനത്ത് രണ്ട‌ു കോവിഡ് മരണം കൂടി റിപ്പോർട്ട് ചെയ്തു. ആലപ്പുഴ, എറണാകുളം സ്വദേശികളാണ് മരിച്ചത്. അരൂർ പനച്ചിക്കൽ തങ്കമ്മ(78), സൗത്ത് അടുവാശേരി പെരിയപറമ്പിൽ അഹമദുണ്ണി(65) എന്നിവരാണ് മരിച്ചത്.
വണ്ടാനം മെഡിക്കൽ കോളജ് ആശുപത്രിയിൽ ചികിത്സയിലിരിക്കെയാണ് തങ്കമ്മ മരിച്ചത്. തങ്കമ്മയ്ക്ക് പ്രമേഹവും മറ്റ് വാർധക്യസഹജമായ അസുഖങ്ങളും ഉണ്ടായിരുന്നു. കളമശേരി മെഡിക്കൽ കോളജ് ആശുപത്രിയിൽ ചികിത്സയിലായിരുന്നു അഹമദുണ്ണി. മൃതദേഹങ്ങൾ കോവിഡ് പ്രോട്ടോക്കോൾ പ്രകാരം സംസ്‌കരിക്കും.
ഇതോടെ സംസ്ഥാനത്ത് വ്യാഴാഴ്ച റിപ്പോർട്ട് ചെയ്യുന്ന ആറാമത്തെ കോവിഡ് മരണമാണിത്. കോഴിക്കോട്, കോട്ടയം, പത്തനംതിട്ട, കാസർഗോഡ് ജില്ലകളിലാണ് ഇതിനു മുൻപ് മരണങ്ങൾ റിപ്പോർട്ട് ചെയ്തത്.
