കാവുംകണ്ടം: കാവുംകണ്ടം സെന്റ് മരിയ ഗൊരേത്തി സൺഡേ സ്കൂളിലെ മിഷൻ ലീഗ് സംഘടനയുടെ ആഭിമുഖ്യത്തിൽ മിഷൻ ലീഗ് സംഘടന സ്ഥാപകനായ കുഞ്ഞേട്ടൻ അനുസ്മരണ സമ്മേളനം നടത്തി. പാരിഷ് ഹാളിലാണ് പരിപാടി നടന്നത്.
ജോയൽ ആമിക്കാട്ട് ചടങ്ങിൽ അധ്യക്ഷത വഹിച്ചു. ബിനീറ്റ ഞള്ളായിൽ കുഞ്ഞേട്ടൻ അനുസ്മരണ സന്ദേശം നൽകി. വിദ്യാർത്ഥികൾ വിവിധ കലാപരിപാടികൾ അവതരിപ്പിച്ചു. കുഞ്ഞേട്ടൻ അനുസ്മരണ പ്രാർത്ഥന ശുശ്രൂഷകൾക്ക് വികാരി ഫാ. സ്കറിയ വേകത്താനം നേതൃത്വം നൽകി.
വൈസ് ഡയറക്ടർ സിസ്റ്റർ സൗമ്യ ജോസ് വട്ടങ്കിയിൽ, ഷൈനി സണ്ണി വട്ടക്കാട്ട്, ആൽഫി മുല്ലപ്പള്ളിൽ, ജെസ്വിൻ ചാതിയാലിൽ, ആൽബിൻ കറിക്കല്ലിൽ, അനൂജ വട്ടപ്പാറക്കൽ, ജിയാ കുറ്റക്കാവിൽ തുടങ്ങിയവർ പരിപാടികൾക്ക് നേതൃത്വം നൽകി.
