കാവുംകണ്ടം: ചെറുപുഷ്പ മിഷൻ ലീഗ് ശാഖയുടെ ആഭിമുഖ്യത്തിൽ ലഹരി വിരുദ്ധ ദിനാചരണം നടത്തി. കാവുംകണ്ടം പാരിഷ് ഹാളിൽ നടന്ന സമ്മേളനത്തിൽ ആൽഫി മുല്ലപ്പള്ളിൽ അധ്യക്ഷത വഹിച്ചു. അയോണ സുബി പുളിക്കൽ, ആമുഖ പ്രഭാഷണം നടത്തി.
ഡയറക്ടർ ഫാ സ്കറിയ വേകത്താനം മുഖ്യപ്രഭാഷണം നടത്തി. സൺഡേ സ്കൂളിലെ റെഡ് ഹൗസിന്റെ നേതൃത്വത്തിൽ എല്ലാ വിദ്യാർത്ഥികളും അധ്യാപകരും 'സെ നോ ടു ഡ്രഗ്സ് ' എന്ന മുദ്രാവാക്യം ഉയർത്തിപ്പിടിച്ചുകൊണ്ട് ലഹരി വിരുദ്ധ പ്രതിജ്ഞയെടുത്തു. ആൻ മരിയ തേനംമാക്കൽ ലഹരി വിരുദ്ധ പ്രതിജ്ഞക്ക് നേതൃത്വം നൽകി.
സൺഡേ സ്കൂളിലെ റെഡ്, ഗ്രീൻ, ബ്ലൂ എന്നീ മൂന്ന് ഹൗസുകളുടെ നേതൃത്വത്തിൽ കാവുംകണ്ടം ടൗണിൽ ലഹരിവിരുദ്ധ റാലി നടത്തി. ലഹരി വിരുദ്ധ സന്ദേശം നൽകുന്ന പ്ലക്കാർഡുകൾ ഉയർത്തിപ്പിടിച്ചും ലഹരിവിരുദ്ധ മുദ്രാവാക്യം ഏറ്റുപറഞ്ഞുകൊണ്ടും നടത്തിയ റാലി ജനശ്രദ്ധ ആകർഷിച്ചു.
ലഹരിവിരുദ്ധ സന്ദേശം നൽകുന്ന കലാപരിപാടികളും റാലിക്ക് കൊഴുപ്പേകി. ലിയോ ജോർജ് വട്ടക്കാട്ട്, ആര്യ ജോസഫ് പീടികയ്ക്കൽ, ജീനാ ഷാജി താന്നിക്കൽ, സാന്ദ്ര ബ്രൂസിലി കൊല്ലപ്പള്ളിൽ, ജോയൽ ആമിക്കാട്ട്, സിമി ജോസ് കട്ടക്കയം തുടങ്ങിയവർ പരിപാടികൾക്ക് നേതൃത്വം നൽകി.
