ചങ്ങനാശ്ശേരി: ലയൺസ് ഡിസ്ട്രിക്ട് ഓണാഘോഷം സെപ്തംബർ 6 ബുധനാഴ്ച ചങ്ങനാശ്ശേരി ലയൺസ് ക്ലബ് ഹാളിൽ നടന്നു. അതോടൊപ്പം വിവിധ കലാപരിപാടികൾ അരങ്ങേറുകയും ചെയ്തു.
അത്തപ്പൂക്കളം, തിരുവാതിര, പുലിയുടെ വാൽമുറിക്കൽ, കുപ്പിയിൽ വെള്ളം നിറയ്ക്കൽ, സുന്ദരിക്ക് പൊട്ടു തൊടീൽ, കസേര കളി, ഓണപ്പാട്ട്, വാദ്യമേളം, മാവേലി, വിഭവ സമൃദമായ ഓണസദ്യയും ആഘോഷങ്ങൾക്ക് മാറ്റുകൂട്ടി.
പ്രോഗ്രാമിന്റെ ഉദ്ഘാടനം ഡിസ്ട്രിക്ട് കോർഡിനേറ്റർ ലയൺ സുഭാഷ് ബാബുവിന്റെ അധ്യക്ഷതയിൽ ഡിസ്ട്രിക്ട് ഗവർണർ MJF ലയൺ ഡോ.ബിനോ ഐ കോശി നിർവഹിച്ചു.
പ്രസ്തുത ചടങ്ങിൽ വൈസ് ഗവർണർമാരും, മുൻ ഗവർണർമാരും, ലയൺ ലീഡർമരും ആശംസകൾ അർപ്പിച്ചു സംസാരിച്ചു. കോട്ടയം, ആലപ്പുഴ, പത്തനംതിട്ട ജില്ലകളുടെ വിവിധ ഭാഗങ്ങളിൽ നിന്നുള്ള ലയൺ മെമ്പർമാരും, കുടുംബാംഗങ്ങളും ചടങ്ങിൽ പങ്കെടുത്തു.
.jpg)
