വ്യത്യസ്തമായ ചിന്തകളിലൂടെ വ്യത്യസ്തമായ മേഖലകൾ തേടിപ്പോകുന്ന വിദ്യാർത്ഥികളാണ് ലോകത്തിൽ ഉന്നത സ്ഥാനങ്ങളിൽ എത്തിച്ചേരുക എന്ന് പാലാ കരിയർ ഡ്രീംസ് കോളേജ് പ്രിൻസിപ്പാളും, പാലാ സെൻറ് തോമസ് കോളേജ് മുൻ വൈസ് പ്രിൻസിപ്പാളും, പ്രമുഖ കരിയർ വിദഗ്ധനുമായ പ്രൊഫസർ ടോമി ചെറിയാൻ പറഞ്ഞു.
പ്രവിത്താനം സെന്റ് മൈക്കിൾസ് ഹയർ സെക്കൻഡറി സ്കൂളിൽ ലൈഫ് പദ്ധതിയുടെ ഭാഗമായ കരിയർ ഗൈഡൻസ് ആൻഡ് ജോബ് സ്കിൽസ് എന്ന വിഷയത്തിൽ സെമിനാർ നയിക്കുകയായിരുന്നു അദ്ദേഹം. സ്വന്തം അറിവും സിദ്ധിയും ഉൾച്ചേരുന്നതായിരിക്കണം ഓരോരുത്തരും തിരഞ്ഞെടുക്കുന്ന കരിയർ എന്ന് അദ്ദേഹം അഭിപ്രായപ്പെട്ടു.
ചെറുപ്പത്തിലെ തന്നെ സ്വന്തം കരിയറിനെ കുറിച്ച് തിരിച്ചറിവുണ്ടായാൽ പല കോഴ്സുകൾക്ക് ശേഷവും അവയുമായി യാതൊരു ബന്ധമില്ലാത്ത ജോലികളിൽ തേടി പോകുന്ന ദുരവസ്ഥ ഒഴിവാക്കാം എന്ന് അദ്ദേഹം അഭിപ്രായപ്പെട്ടു.
ചടങ്ങിൽ സ്കൂൾ ഹെഡ്മാസ്റ്റർ അജി വി ജെ, പ്രോഗ്രാം കോഡിനേറ്റേഴ്സ് ജിനു ജെ.വല്ലനാട്ട്, ജോജിമോൻ ജോസ്, അനു ജോർജ്, ജിതിൻ പി. മാത്യു, ഷാരൽ ഷാജി എന്നിവർ സംസാരിച്ചു.
