മുഖ്യമന്ത്രിയുടെ ഉറപ്പ് തിരുവനന്തപുരത്തുനിന്നും കാസര്‍ഗോഡേക്ക് 26 അംഗ മെഡിക്കല്‍ സംഘം പുറപ്പെട്ടുകഴിഞ്ഞു

തിരുവനന്തപുരം: കാസര്‍ഗോഡ് അതിനൂതന കോവിഡ് ആശുപത്രി സജ്ജമാക്കുന്നതിനായി തിരുവനന്തപുരം സര്‍ക്കാര്‍ മെഡിക്കല്‍ കോളേജില്‍ നിന്നുള്ള 26 അംഗങ്ങള്‍ ഉള്ള മെഡിക്കല്‍ സംഘം യാത്രതിരിച്ചു. കാസര്‍ഗോഡ് കോവിഡ് രോഗികളുടെ എണ്ണം കൂടിയ സാഹചര്യത്തില്‍ 4 ദിവസം കൊണ്ട് കാസര്‍ഗോഡ് കോവിഡ് ആശുപത്രി തുടങ്ങണമെന്ന് മുഖ്യമന്ത്രിയുടെ നിര്‍ദ്ദേശമുണ്ടായിരുന്നു. അത് യാഥാര്‍ത്ഥ്യമാക്കുകയാണ് ലക്ഷ്യം.
സെക്രട്ടറിയേറ്റിന് മുമ്പില്‍ നിന്നും രാവിലെ 9 മണിക്ക് മന്ത്രി കെ കെ ശൈലജ യാത്ര ഫഌഗ് ഓഫ് ചെയ്തു. 13 വിദഗ്ധ ഡോക്ടര്‍മാരും 10 നേഴ്‌സുമാരും 3 മറ്റു സ്റ്റാഫുകളും അടങ്ങുന്ന സംഘം പ്രവര്‍ത്തനങ്ങള്‍ ഏകോപിപ്പിക്കുകയും ജീവനക്കാര്‍ക്ക് പരിശീലനം നല്‍കുകയും രോഗികളെ ചികിത്സിക്കുകയും ചെയ്യും. കാസര്‍ഗോഡ് മെഡിക്കല്‍ കോളേജിന്റെ പുതിയ ബ്ലോക്ക് ആധുനിക കോവിഡ് ചികിത്സ വിഭാഗമാക്കി മാറ്റും.

BM TV Live