ചെന്നൈ: കൊറോണ വൈറസ് വ്യാപനത്തിന്റെ പശ്ചാത്തലത്തില്‍ തമിഴ്‌നാട്ടില്‍ ലോക്ക്ഡൗണ്‍ നീട്ടി. മെയ് 31 വരെയാണ് ലോക്ക്ഡൗണ്‍ നീട്ടിയിരിക്കുന്നത്. ലോക്ക്ഡൗണില്‍ കൂടുതല്‍ ഇളവുകളുണ്ടാകുമെങ്കിലും സ്‌കൂള്‍, കോളജ്, ആരാധനാലയങ്ങള്‍, തീയറ്ററുകള്‍, ബാറുകള്‍ എന്നിവ 31 വരെ അടഞ്ഞുകിടക്കും.
കോയമ്പത്തൂര്‍, സേലം, തിരുച്ചിറപ്പള്ളി, നീലഗിരി എന്നിവയുള്‍പ്പെടെ 25 ജില്ലകള്‍ക്ക് ലോക്ക്ഡൗണ്‍ നിയന്ത്രണങ്ങളില്‍ ഇളവ് നല്‍കും. അവശ്യസേവനങ്ങള്‍ക്കുള്ള യാത്ര പാസില്ലാതെ അനുവദിക്കും. അതേസമയം തമിഴ്‌നാട്ടില്‍ കോവിഡ് ബാധിതരുടെ എണ്ണം 10,000 കടന്നു. 10,585 പേര്‍ക്കാണ് ഇതുവരെ കോവിഡ് സ്ഥിരീകരിച്ചത്. കഴിഞ്ഞ 24 മണിക്കൂറിനിടെ മൂന്നുമരണം കൂടി റിപ്പോര്‍ട്ട് ചെയ്തതോടെ മരണസംഖ്യ 74 ആയി. കഴിഞ്ഞ 24 മണിക്കൂറിനുള്ളില്‍ 477 പേര്‍ക്കാണ് തമിഴ്‌നാട്ടില്‍ കോവിഡ് സ്ഥിരീകരിച്ചത്. ഇതില്‍ 93 പേര്‍ വിദേശത്തുനിന്നും മടങ്ങിയെത്തിയവരാണ്.
കഴിഞ്ഞ 24 മണിക്കൂറിനുള്ളില്‍ 477 പേര്‍ക്കാണ് തമിഴ്‌നാട്ടില്‍ കോവിഡ് സ്ഥിരീകരിച്ചത്. ഇതില്‍ 93 പേര്‍ വിദേശത്തുനിന്നും മടങ്ങിയെത്തിയവരാണ്. ബംഗ്ലാദേശിലെ ധാക്കയില്‍ കുടുങ്ങിയ 157 പേരെ സംസ്ഥാനം വ്യാഴാഴ്ച തിരിച്ചെത്തിച്ചിരുന്നു. നേരത്തെ മഹാരാഷ്ട്രയും പഞ്ചാബും ലോക്ക്ഡൗണ്‍ നീട്ടാന്‍ തീരുമാനം എടുത്തിരുന്നു.
