ന്യൂഡല്ഹി: കോവിഡിന് ശേഷം സാങ്കേതികവിദ്യ ഉപയോഗിച്ചുള്ള വിദ്യാഭ്യാസത്തിന് കൂടുതല് ഊന്നല് നല്കി കേന്ദ്ര സര്ക്കാര്. ഡിജിറ്റല്/ഓണ്ലൈന് വിദ്യാഭ്യാസത്തിലേക്കുള്ള മള്ട്ടി-മോഡ് ആക്സസ്സിനായാണ് പദ്ധതി കൊണ്ടുവരുന്നത്. നിലവില് രാജ്യത്തെ 100 പ്രമുഖ സര്വകലാശാലകള്ക്ക് ഓണ്ലൈന് കോഴ്സുകള് തുടങ്ങാനുള്ള അനുവാദം മെയ് 30 മുതല് നല്കുമെന്നും മന്ത്രി വ്യക്തമാക്കി.
വിദ്യാഭ്യാസ മേഖലയിലുള്ള പ്രധാന പദ്ധതികള്
. സംസ്ഥാനങ്ങള്, കേന്ദ്രഭരണ പ്രദേശങ്ങള് എന്നിവിടങ്ങളില് സ്കൂള് വിദ്യാഭ്യാസത്തിനായി ദിക്ഷ. എല്ലാ ഗ്രേഡുകള്ക്കുമായി ഇ-ഉള്ളടക്കവും ക്യുആര് കോഡ് ഉള്ക്കൊള്ളിച്ചിട്ടുള്ളതുമായ പാഠപുസ്തകങ്ങളും (ഒരു രാഷ്ട്രം, ഒരു ഡിജിറ്റല് പ്ലാറ്റ്ഫോം).
. 1 മുതല് 12 വരെ ക്ലാസ്സുകള്ക്ക് പ്രത്യേക ടിവി ചാനലുകള് (ഒരു ക്ലാസ്, ഒരു ചാനല്).
. റേഡിയോ, കമ്മ്യൂനിറ്റി റേഡിയോ, പോഡ്കാസ്റ്റുകള് എന്നിവയുടെ വിപുലമായ ഉപയോഗം.
. കാഴ്ച-ശ്രവണ പരിമിതിയുള്ളവര്ക്ക് പ്രത്യേക ഓണ്ലൈന് സംവിധാനം.
. മികച്ച 100 സര്വകലാശാലകള്ക്ക് 2020 മെയ് 30നകം സ്വന്തമായി ഓണ്ലൈന് കോഴ്സുകള് ആരംഭിക്കാന് അനുവാദം.
. മനോദര്പ്പണ് - മാനസികാരോഗ്യത്തിനും ക്ഷേമത്തിനുമായി വിദ്യാര്ത്ഥികള്, അധ്യാപകര്, കുടുംബങ്ങള് എന്നിവര്ക്കായുള്ള സംരംഭം ഉടന്.
. സ്കൂള്, ബാല്യകാലഘട്ടത്തിലുള്ളവര്, അധ്യാപകര് എന്നിവയ്ക്കായി പുതിയ ദേശീയ പാഠ്യപദ്ധതി: ആഗോളതലത്തില്ത്തന്നെ 21-ാം നൂറ്റാണ്ടില് വേണ്ടുന്ന നൈപുണ്യശേഷികളുമായി സംയോജിപ്പിച്ചുള്ള പദ്ധതിയാകും ഇത്.
. ദേശീയ അടിസ്ഥാന സാക്ഷരത, ന്യൂമറസി മിഷന് 2020 ഡിസംബറില് ആരംഭിക്കും. അഞ്ചാം തരത്തിലെ ഓരോ കുട്ടിയും 2025 ഓടെ മികച്ച പഠന നിലവാരം കൈവരിക്കുന്നുവെന്ന് ഉറപ്പുവരുത്താനാണിത്.
