പ്രേക്ഷകരുടെ പ്രിയപ്പെട്ട താരം നടി ഭാവനയുടെ പുതിയ സോഷ്യല്‍ മീഡിയ കുറിപ്പ് ആരാധകര്‍ക്കിടയില്‍ ശ്രദ്ധ നേടുന്നു . പ്രൊഡ്യൂസര്‍ നവീനെ വിവാഹം ചെയ്തതിനു ശേഷം താരം ബംഗളുരുവില്‍ സ്ഥിരതാമസമാക്കി. ഈ അടുത്തായിരുന്നു താരം ബംഗളൂരുവില്‍ നിന്ന് കേരളത്തിലെത്തിയത്.
ഇപ്പോള്‍ വീട്ടില്‍ ക്വാറന്റീനിലാണ്. താരത്തിന്റെ ശരീര സ്രവങ്ങള്‍ മെഡിക്കല്‍ പരിശോധനയ്ക്ക് അയച്ചതായി റിപ്പോര്‍ട്ടുകള്‍ പുറത്തുവന്നിരുന്നു. തൃശ്ശൂരിലെ വീട്ടിലേക്ക് മുത്തങ്ങ വഴിയായിരുന്നു ഭാവന എത്തിയത്. ഹോം ക്വാറന്റീനില്‍ കഴിയുന്ന ഭാവനയുടെ പുതിയ വിശേഷങ്ങളാണ് ആരാധകര്‍ ഇപ്പോള്‍ ഏറ്റെടുക്കുന്നത്. താരം പങ്കുവെച്ച് കുറിപ്പ് വളരെ ചുരുങ്ങിയ സമയം കൊണ്ട് വൈറല്‍ ആയിട്ടുണ്ട്.
ജൂണ്‍മാസം തുടങ്ങിയതോടെ പുതിയ മാസത്തെ വരവേല്‍ക്കുകയാണ് എന്നും നവീന് ഒപ്പമുള്ള ചിത്രങ്ങള്‍ പങ്കുവെച്ചുകൊണ്ട് ഭാവന പ്രേക്ഷകരോട് പറഞ്ഞു. ജൂണ്‍ തങ്ങളുടെ പ്രിയപ്പെട്ട മാസമാണ് , താനെന്നും നവീന് മാത്രമാണെന്നും ജീവിതത്തില്‍ അദ്ദേഹത്തെ ഒരുപാട് ഇഷ്ടപ്പെടുന്നു എന്നും ഭാവന കുറിച്ചു. ബംഗളൂരുവില്‍ നിന്ന് മുത്തങ്ങ വരെ താരം നവീനൊപ്പം യാത്ര ചെയ്തു, ശേഷം സഹോദരന്‍ രാജേഷിനൊപ്പം തൃശ്ശൂരിലേക്ക് മടങ്ങുകയായിരുന്നു. താരത്തിന്റെ പോസ്റ്റ് വാര്‍ത്തകളിലും ഇടം നേടികഴഞ്ഞു.
