കണ്ണൂർ: പരിയാരം മെഡിക്കൽ കോളജിൽ കോവിഡ് രോഗി തൂങ്ങി മരിച്ചു. ഓട്ടോ ഡ്രൈവറായ ചാല സ്വദേശി രവീന്ദ്രൻ(60)ആണ് ജീവനൊടുക്കിയത്. ഇയാളുടെ ഭാര്യക്ക് നേരത്തേ രോഗം സ്ഥിരീകരിച്ചിരുന്നു. തുടർന്ന് നടത്തിയ പരിശോധനയിലാണ് ഇയാൾക്കും പോസിറ്റീവായത്. കോവിഡ് സ്ഥിരീകരിച്ചതിലുള്ള മാനസിക പ്രയാസമാണ് ആത്മഹത്യക്ക് പിന്നിലെന്നാണ് വിവരം.
കോവിഡ് സ്ഥിരീകരിച്ച ഇയാളെ ഇന്നലെ രാത്രിയാണ് ആശുപത്രിയിൽ പ്രവേശിപ്പിച്ചത്. തുടർ പരിശോധനക്കായി ഇന്ന് രാവിലെ ഡോക്ടർമാർ എത്തിയപ്പോൾ ഇയാളെ കാണാതാവുകയായിരുന്നു. തുടർന്ന് നടത്തിയ പരിശോധനയിലാണ് ശുചിമുറിയിൽ തൂങ്ങിയ നിലയിൽ കണ്ടെത്തിയത്.
