"കുട്ടിക്കൂട്ടത്തിന്റെ ഉത്സവമഴ"; അവധിക്കാല ക്യാമ്പ് 'വേനൽ മഴ' മണിയംകുന്ന് സ്കൂളിൽ ഒരുങ്ങുന്നു

മണിയംകുന്ന്: മണിയംകുന്ന് സെൻ്റ് ജോസഫ് യുപി  സ്കൂളിൽ ഏഴാം ക്ലാസ് വരെയുള്ള കുട്ടികൾക്ക് വേണ്ടി അവധിക്കാല ക്യാമ്പ് 'വേനൽ മഴ' സംഘടിപ്പിക്കുന്നു.   ഏപ്രിൽ 25 മുതൽ 30 വരെ നടക്കുന്ന ഈ ക്യാമ്പിലൂടെ കുട്ടികൾക്ക് കളിച്ചും ഉല്ലസിച്ചും വളരാനും ഒപ്പം നേതൃത്വവാസനകൾ സ്വന്തമാക്കനുമുള്ള അവസരമാണ് സ്കൂൾ ഒരുക്കുന്നത് എന്ന് സ്കൂൾ അധികൃതർ അറിയിച്ചു. 

കോവിഡ് കാലത്ത് വീടിനുള്ളിൽ ഇരുന്നു മൊബൈൽ ഫോണിൻ്റെ മാത്രം ലോകത്തേക്ക് ചുരുങ്ങിയ കുട്ടികൾക്ക് വേനൽ മഴയിലൂടെ ഒരു പുത്തൻ ഉണർവ് നൽകി വീണ്ടും പറന്നുയരാനുള്ള ഉത്തേജനം പകരുകയാണ് ക്യാമ്പിന്റെ ലക്ഷ്യം എന്നും അധികൃതർ അറിയിച്ചു. 

മാജിക് ഷോ, ബോട്ടിൽ ആർട്ട്, നാടൻ കലാ ശിൽപരൂപങ്ങൾ, നാടൻ കളികൾ, നാടൻ ഭക്ഷണം തയ്യറാക്കൽ, സ്കിറ്റ്, പ്രസംഗ - ഗാനപരിശീലനം തുടങ്ങി ഒട്ടനവധി രസകരമായ പരിപാടികളാണ് ക്യാമ്പിന്റെ ഭാഗമായി ആവിഷ്‌കരിച്ചിരിക്കുന്നത്. വിശദ വിവരങ്ങൾക്ക്:  9497093359, രജിസ്ട്രേഷനായി താഴേ നൽകിയിട്ടുള്ള google form പൂരിപ്പിയ്ക്കുക: https://forms.gle/4Cy3rJqCX3jD4BDf8