പൂഞ്ഞാർ സെന്റ് ആന്റണീസ് ഹൈസ്കൂളിൽ 1972 - 1975 കാലഘട്ടത്തിൽ പഠിച്ചിറങ്ങിയ പൂർവ്വ വിദ്യാർത്ഥികളുടെ സംഗമം നടക്കും. 2022 ഏപ്രിൽ 30 ന് രാവിലെ 10 ന് പൂഞ്ഞാർ സെന്റ് ആന്റണീസ് ഹൈസ്കൂളിൽ വെച്ചാണ് പൂർവ്വ വിദ്യാർത്ഥി സംഗമം നടത്തപ്പെടുന്നത്.
സ്കൂൾ മാനേജർ ഫാ. ചാണ്ടി കിഴക്കയിൽ CMI അദ്ധ്യക്ഷത വഹിക്കുന്ന യോഗത്തിൽ സ്കൂൾ ഹെഡ്മാസ്റ്റർ റ്റോം കെ.എസ് ആശംസകൾ അർപ്പിച്ച് സംസാരിക്കും. മുൻകാല അദ്ധ്യാപകരായ എ വി ജോർജ്ജ്, പി എം പൈലി, ജോസഫ് മൈലാടി, സെബാസ്റ്റ്യൻ, ഫാ. ഈപ്പൻ ഏർത്തയിൽ, സി ഡി ജോസഫ്, ജോയി തോട്ടക്കര, എൻ ജെ ജോസഫ് എന്നിവരെ ആദരിക്കും.
50 വർഷങ്ങൾക്കുശേഷം പരസ്പരം കണ്ടുമുട്ടുവാനും ഓർമ്മകൾ പുതുക്കാനും ആ കാലഘട്ടത്തിലെ വിദ്യാർത്ഥികളായിരുന്ന എല്ലാവരെയും കുടുംബസമേതം ക്ഷണിക്കുന്നതായി സംഘാടകർ അറിയിച്ചു.
