കുപ്രസിദ്ധ ഗുണ്ടയായ തെള്ളകം വലിയ കാലതടത്തിൽപറമ്പിൽ നാദിർഷ നിഷാദിനെ (22) കരുതൽ തടങ്കലിൽ അടച്ചു. കാപ്പാ നിയമപ്രകാരമാണ് ഇയാളെ തടങ്കലിലാക്കിയത്. കോട്ടയം ജില്ലാ പൊലീസ് മേധാവി സമർപ്പിച്ച റിപ്പോർട്ടിന്റെ അടിസ്ഥാനത്തിലാണ് നടപടി.
ഇയാൾ പാമ്പാടി,ഗാന്ധിനഗർ, ഏറ്റുമാനൂർ, ഇൻഫോപാർക്ക്, മൂവാറ്റുപുഴ സ്റ്റേഷനുകളിൽ വധശ്രമം, സംഘം ചേർന്ന് ആക്രമിക്കുക, ഭീഷണിപ്പെടുത്തുക, പിടിച്ചുപറിക്കൽ, സർക്കാർ ഉദ്യോഗസ്ഥരുടെ ഔദ്യോഗിക കൃത്യനിർവഹണത്തെ തടസപ്പെടുത്തുക തുടങ്ങിയ നിരവധി കേസുകളിൽ പ്രതിയാണ്.
സ്വൈര്യജീവിതത്തിനു തടസം സൃഷ്ടിക്കുന്ന കുറ്റവാളികളുടെ പട്ടിക തയ്യാറാക്കി വരികയാണെന്നും ഇത്തരത്തിലുള്ള ക്രിമിനലുകള്ക്കെതിരെ ശക്തമായ നിയമനടപടികള് സ്വീകരിക്കുമെന്നും ജില്ലാ പൊലീസ് മേധാവി കെ.കാർത്തിക് പറഞ്ഞു.
