ഈരാറ്റുപേട്ടയിൽ ശശി തരൂർ എംപി ഉദ്ഘാടനം ചെയ്യുന്ന യൂത്ത് കോൺഗ്രസ് സമ്മേളനത്തിന്റെ പോസ്റ്ററിൽ പ്രതിപക്ഷനേതാവ് വി.ഡി.സതീശന്റെ ചിത്രം ഇല്ലാതിരുന്നത് വിവാദമായി. പിന്നാലെ ചിത്രം ഉൾപ്പെടുത്തിയ പുതിയ പോസ്റ്റർ യൂത്ത് കോൺഗ്രസ് ജില്ലാ നേതൃത്വം പങ്കുവച്ചു.
യൂത്ത് കോൺഗ്രസ് കോട്ടയം ജില്ലാ കമ്മിറ്റി നടത്തുന്ന സമ്മേളനം ഡിസംബർ മൂന്നിനാണ്. ഉമ്മൻചാണ്ടിയുടെ വിശ്വസ്തൻ ചിന്റു കുര്യൻ ജോയി ആണ് ജില്ലാ പ്രസിഡന്റ്.
എംഎൽഎ മാരായ ഷാഫി പറമ്പിൽ, തിരുവഞ്ചൂർ രാധാകൃഷ്ണൻ, ഡിസിസി പ്രസിഡന്റ് നാട്ടകം സുേരഷ് എന്നിവരുടെ ചിത്രവും പോസ്റ്ററിൽ ഉൾപ്പെടുത്തിയിട്ടുണ്ട്.
