കോട്ടയം എരുമേലി മുക്കൂട്ടുതറയിലാണ് സംഭവം. പലകക്കാവില് ശാന്തിനഗര് പുത്തന്പുരയ്ക്കല് സജിയുടെ വീട്ടിലെത്തിയ കള്ളന്മാരെയാണ് ഭാര്യ മേഴ്സിയും ഗര്ഭിണിയായ മകള് മെല്ബിനും ചേര്ന്ന് ധീരമായി പ്രതിരോധിച്ചത്.
മേഴ്സിയും മകള് മെല്ബിനും ഒരു മുറിയിലും സജിയും മകനും മറ്റൊരു മുറിയിലുമാണ് കിടന്നിരുന്നത്. രാത്രി ഒന്നിനു വീടിന്റെ പിൻഭാഗത്ത് ആരോ പതിഞ്ഞ ശബ്ദത്തില് സംസാരിക്കുന്ന ശബ്ദം മേഴ്സിയും മെല്ബിനും കേട്ടു. തോന്നലാണെന്നു കരുതി ഇവര് എഴുന്നേറ്റില്ല.
വീടിന്റെ പിൻവാതില് കുത്തിതുറന്ന് അകത്തുകയറിയ മോഷ്ടാക്കളില് ഒരാള് മേഴ്സിയുടെ കിടപ്പുമുറിയുടെ വാതില് തള്ളിത്തുറന്ന് അകത്തുകയറി കഴുത്തിലെ മാല പൊട്ടിക്കാൻ ശ്രമിച്ചു. മുറിയില് ചെറിയ പ്രകാശം ഉണ്ടായിരുന്നതിനാല് മോഷ്ടാവിനെ കണ്ട് മേഴ്സി ബഹളം വച്ചു.
വീടിന്റെ പിൻവാതില് കുത്തിതുറന്ന് അകത്തുകയറിയ മോഷ്ടാക്കളില് ഒരാള് മേഴ്സിയുടെ കിടപ്പുമുറിയുടെ വാതില് തള്ളിത്തുറന്ന് അകത്തുകയറി കഴുത്തിലെ മാല പൊട്ടിക്കാൻ ശ്രമിച്ചു. മുറിയില് ചെറിയ പ്രകാശം ഉണ്ടായിരുന്നതിനാല് മോഷ്ടാവിനെ കണ്ട് മേഴ്സി ബഹളം വച്ചു.
ഇതോടെ പരിഭ്രാന്തനായ കള്ളന് മേഴ്സിയുടെ വായ പൊത്തിപ്പിടിക്കാൻ ശ്രമിച്ചു. ഈ സമയം മേഴ്സി മോഷ്ടാവിന്റെ കയ്യില് കടിക്കുകയായിരുന്നു. ഇതിടെ മേഴ്സിയെ സഹായിക്കാനായി മെല്ബിൻ പെട്ടെന്ന് മോഷ്ടാവിന്റെ കൈ വിടുവിക്കാൻ ശ്രമിക്കുന്നതിനിടെ ഇയാളുടെ കയ്യില് കടിച്ചു. ഈ സമയം മറ്റൊരു മോഷ്ടാവു മുറിയില് കടന്ന് മെല്ബിന്റെ കഴുത്തില് പിടിക്കാൻ ശ്രമിച്ചു. ഇരുവരും ഉച്ചത്തില് അലറി വിളിച്ചതോടെ സജി ഉണര്ന്നു.
ഭാര്യക്കോ മകള്ക്കോ ഷോക്കേറ്റെന്നു കരുതി സജി മെയിൻ സ്വിച്ച് ഓഫാക്കിയതിനുശേഷം ലൈറ്റുമായാണ് മുറിയിലെത്തിയത്. ഇതിനിടെ മോഷ്ടാക്കള് ഓടി രക്ഷപ്പെട്ടു.
സജിയുടെ വീടിന് സമീപത്തെ മൂന്ന് വീടുകളിലും മോഷണശ്രമമുണ്ടായി. മോഷ്ടാക്കളെന്ന് കരുതുന്നവരുടെ സി സി ടി വി ദൃശ്യങ്ങള് പൊലീസിന് ലഭിച്ചിട്ടുണ്ട്. തമിഴിലാണ് ഇവര് സംസാരിച്ചതെന്നതിനാല് ഇതര സംസ്ഥാനത്തുനിന്നെത്തിയ കവര്ച്ചാ സംഘമാണ് മോഷണ ശ്രമത്തിനുപിന്നിലെന്നാണ് പൊലീസ് കരുതുന്നത്. സംഭവത്തില് അന്വേഷണം പുരോഗമിക്കുകയാണ്.
