അമ്പാറനിരപ്പേൽ: സെന്റ്.ജോൺസ് എൽ.പി സ്കൂളിൽ വിദ്യാരംഗം കലാസാഹിത്യ വേദി ഉദ്ഘാടനവും വിശുദ്ധ അൽഫോൻസാമ്മയുടെ തിരുനാളും അമ്പാറനിരപ്പേൽ എഫ്.സി.സി കോൺവെൻറ് മദർ സുപ്പീരിയർ സി.ജാൻസിയുടെ നാമേഹേതുക തിരുനാളും ആഘോഷിച്ചു.
വിദ്യാർത്ഥികളുടെ വിവിധ കലാപരിപാടികൾ നടത്തപ്പെട്ടു. വിദ്യാരംഗം കലാസാഹിത്യ വേദിയുടെ ഉദ്ഘാടനം സ്കൂളിലെ വിദ്യാരംഗം കോർഡിനേറ്റർ അലീന തോമസ് നിർവഹിച്ചു.
സ്കൂൾ മാനേജർ റവ.ഫാദർ ജോസഫ് മുണ്ടക്കൽ അധ്യക്ഷത വഹിച്ചു. ഹെഡ്മിസ്ട്രസ് സി.സാങ്റ്റ, സി.ജാൻസി, പിടിഎ പ്രസിഡന്റ് ബിനു വെട്ടുവയലിൽ, അദ്ധ്യാപക പ്രതിനിധികളായ മാനുവൽ ടോമി, ഷെറിൻ കെ.പയസ്, ചിന്നു തോമസ് എന്നിവർ പ്രസംഗിച്ചു.
