കോട്ടയം: സർക്കാർ നൽകുന്ന സൗജന്യ ഭക്ഷ്യധാന്യ കിറ്റ് ഇതിനോടകംതന്നെ ഏറെപേർക്ക് ലഭിച്ചുകഴിഞ്ഞു. ലഭിക്കാത്തവർ കിറ്റ് വാങ്ങാനായി കാത്തിരിക്കുകയാണ്. എന്നാൽ വലിയ സാമ്പത്തിക പ്രതിസന്ധിയുടെ സമയത്ത് കൂടുതൽ അർഹരായവർക്ക് സഹായം ലഭിക്കുന്നതിനുവേണ്ടി സർക്കാർ നൽകുന്ന ഭക്ഷ്യ ധാന്യ കിറ്റ് ഉപേക്ഷിച്ച് മാതൃകയായിരിക്കുകയാണ് പി.സി.ജോർജ് എം എൽ എ..എന്റെ കിറ്റ് നാടിന്റെ കരുതലിന് എന്ന ക്യാമ്പയിന്റെ ഭാഗമായാണ് ഈ തീരുമാനമെന്ന് പി സി ജോർജ്ജ് എംഎൽഎ പറഞ്ഞു. കിറ്റ് അത്യാവശ്യമല്ലാത്തവർ ഈ ക്യാമ്പയിനിൽ പങ്കാളിയാകണമെന്നും അദ്ദേഹം അഭ്യർത്ഥിച്ചു. സർക്കാർ സൗജന്യമായി നൽകുന്ന കിറ്റ് നമ്മുക്ക് ആവശ്യമില്ലെങ്കിൽ 6235280280 എന്ന നമ്പരിലേക്ക് നിങ്ങളുടെ റേഷൻകാർഡ് നമ്പർ എസ്എംഎസ് അയക്കുകയോ civilsupplieskerala.gov.in എന്ന വെബ്സൈറ്റിൽ Donate My kit ഓപ്ഷൻ ക്ലിക്ക് ചെയ്തോ ഈ പദ്ധതിയിൽ നമ്മുക്കും പങ്ക് ചേരാം.
