ഒന്നു മുതല് പന്ത്രണ്ട് വരെ ക്ലാസുകളില് പഠിക്കുന്ന കുട്ടികള് സ്വന്തമായി മലയാളത്തിലോ ഇംഗ്ലീഷിലോ തയ്യാറാക്കുന്ന കഥകള്, കവിതകള്, ലേഖനങ്ങള് എന്നിവ കൈറ്റ് തയ്യാറാക്കിയ 'സ്കൂള് വിക്കി' (www.schoolwiki.in) പോര്ട്ടലില് ലഭ്യമാക്കും. തിരഞ്ഞെടുത്തവ പിന്നീട് എസ്.സി.ഇ.ആര്.ടി പുസ്തകമായി പ്രസിദ്ധീകരിക്കുകയും ചെയ്യും
ക്ലാസ് അധ്യാപകര്ക്ക് ഏപ്രില് 20ന് മുന്പ് രചനകള് നല്കണം. പദ്ധതി സംബന്ധിച്ച വിശദാംശങ്ങള് കുട്ടികളെ ഓണ്ലൈനിലും (ഇമെയില്, വാട്സ്ആപ് ഗ്രൂപ്പുകള്) അറിയിക്കുന്നുണ്ട്.. രചനകള് പ്രഥമാധ്യാപകന്റെ നേത്യത്വത്തില് പരിശോധിച്ച് സ്കൂള് വിക്കിയിലെ അതത് സ്കൂളിന്റെ ലോഗിന് ഉപയോഗിച്ച് അപ്ലോഡ് ചെയ്യും. പ്രഥമാധ്യാപകര്ക്ക് സ്കൂള്തല പ്രവര്ത്തനങ്ങള് ഏകോപിപ്പിക്കുന്നതിന് അനുയോജ്യരായ അധ്യാപകരെ നോഡല് ഓഫീസര്മാരാക്കും.
അക്ഷരവൃക്ഷം പദ്ധതിയുമായി ബന്ധപ്പെട്ട പ്രവര്ത്തനങ്ങള് വിദ്യാഭ്യാസ ഓഫീസര്മാര് മോണിട്ടര് ചെയ്യണമെന്നും കോവിഡ്-19 രോഗബാധയുമായി ബന്ധപ്പെട്ട് സര്ക്കാര് നിര്ദ്ദേശിക്കുന്ന എല്ലാ മുന്കരുതലുകളും നിര്ദ്ദേശങ്ങളും പാലിക്കണമെന്നും പൊതു വിദ്യാഭ്യാസ ഡയറക്ടര് കെ ജീവന്ബാബു പുറത്തിറക്കിയ സര്ക്കുലറില് വ്യക്തമാക്കുന്നുണ്ട്.
സ്കൂള് വിക്കിയില് രചനകള് പ്രസിദ്ധപ്പെടുത്തുന്നതിനുള്ള സഹായ ഫയലുകളും വീഡിയോ ട്യൂട്ടോറിയലുകളും പ്രസിദ്ധീകരിച്ചതിനു പുറമെ എല്ലാ ജില്ലകളിലും പ്രത്യേക ഹെല്പ് ഡെസ്ക്കുകളും 'അക്ഷരവൃക്ഷം' പദ്ധതിക്കായി ക്രമീകരിച്ചിട്ടുണ്ടെന്ന് കൈറ്റ് സി.ഇ.ഒ. കെ. അന്വര് സാദത്ത് അറിയിച്ചു.
