സ്റ്റി​റോ​യ്ഡു​ക​ൾ കോവിഡ് മരണസാധ്യത കുറയ്ക്കുമെന്ന് പഠനം

ന്യൂ​ഡ​ൽ​ഹി: അതീവ ഗു​രു​ത​രാ​വ​സ്ഥ​യി​ലു​ള്ള കോ​വി​ഡ് രോ​ഗി​ക​ളി​ൽ സ്റ്റി​റോ​യ്ഡു​ക​ൾ ഉ​പ​യോ​ഗി​ക്കു​ന്ന​തു മ​ര​ണ​സാ​ധ്യ​ത കു​റ​യ്ക്കാ​ൻ സ​ഹാ​യി​ക്കു​മെ​ന്നു പ​ഠ​നം. അ​മേ​രി​ക്ക​ൻ മെ​ഡി​ക്ക​ൽ അ​സോ​സി​യേ​ഷ​ൻ ബു​ധ​നാ​ഴ്ച പു​റ​ത്തി​റ​ക്കി​യ ജേ​ണ​ലി​ലാ​ണ് ഇതുമായ് ബന്ധപ്പെട്ടുള്ള വി​വ​ര​മു​ള്ള​ത്. വി​ല​കു​റ​ഞ്ഞ മ​രു​ന്നാ​ണെ​ങ്കി​ലും മി​ക​ച്ച സു​ര​ക്ഷ​യാ​ണു സ്റ്റി​റോ​യ്ഡു​ക​ൾ ന​ൽ​കു​ന്ന​തെ​ന്നാ​ണു ക​ണ്ടെ​ത്ത​ൽ. ഓ​ക്സ്ഫ​ഡ് സ​ർ​വ​ക​ലാ​ശാ​ല​യി​ലാ​ണു ഭൂ​രി​ഭാ​ഗം പ​ഠ​ന​ങ്ങ​ളും ന​ട​ന്ന​ത്. എന്നാൽ, ഗു​രു​ത​ര​മ​ല്ലാ​ത്ത കോ​വി​ഡ് രോ​ഗി​ക​ളി​ൽ സ്റ്റി​റോ​യ്ഡു​ക​ൾ ഫ​ല​പ്ര​ദ​മ​ല്ലെ​ന്നു മാ​ത്ര​മ​ല്ല ദോ​ഷ​ക​ര​മാ​ണെ​ന്നും പ​ഠ​ന​ത്തി​ൽ പ​റ​യു​ന്നു.

ഹൈ​ഡ്രോ​കോ​ർ​ട്ടി​സോ​ൺ, ഡെ​ക്സാ​മെ​ത​സോ​ൺ, മെ​ത്തി​ലി​ൽ​പ്രെ​ഡ്നി​സ​ലോ​ൺ എ​ന്നി​വ​യു​ടെ ഏ​ഴു രാ​ജ്യാ​ന്ത​ര പ​രീ​ക്ഷ​ണ​ങ്ങ​ൾ അ​ടി​സ്ഥാ​ന​മാ​ക്കി​യാ​ണു ഗ​വേ​ഷ​ക​ർ ഈ ​നി​ഗ​മ​ന​ത്തി​ലെ​ത്തി​യ​ത്. തീ​വ്ര​പ​രി​ച​ര​ണ വി​ഭാ​ഗ​ത്തി​ൽ ക​ഴി​യു​ന്ന​വ​രി​ലാ​യി​രു​ന്നു ഈ ​സ്റ്റി​റോ​യ്ഡു​ക​ൾ പ്ര​യോ​ഗി​ച്ച​ത്. അ​വ​രു​ടെ മ​ര​ണ​സാ​ധ്യ​ത 20 ശ​ത​മാ​നം വ​രെ കു​റ​യു​ന്നു എ​ന്നാ​ണു ക​ണ്ടെ​ത്ത​ൽ. സ്റ്റി​റോ​യ്ഡ് ചി​കി​ത്സ ല​ഭി​ച്ച​വ​രി​ൽ 68 ശ​ത​മാ​നം പേ​ർ അ​തി​ജീ​വി​ക്കു​ന്ന​താ​യും ക​ണ്ടെ​ത്തി.

പഠനഫലം കൂടുതൽ അവസരങ്ങൾ തുറന്നു തന്നിരിക്കുകയാണെന്ന്​ പഠനങ്ങളിലൊന്നിന്​ നേതൃത്വം നൽകിയ ഓക്​സ്​ഫോർഡ്​ സർവകലാശാലയിലെ ഡോ. മാർട്ടിൻ ലാൻഡ്രേ പറഞ്ഞു. പഠനഫലം ഒരുപാട്​ ചുവടുകൾ മുന്നോട്ട്​ എത്തിച്ചതായും എന്നാൽ മതിപ്പുതോന്നുന്ന കണ്ടെത്തലാണെന്നും ലണ്ടനിലെ ഇംപീരിയൽ കോളജിലെ ഡോ. അന്തോണി ഗോർഡൻ അഭിപ്രായപ്പെട്ടു. അതേസമയം ഇത്​ രോഗം പൂർണമായും ഭേദപ്പെടുത്തില്ലെന്നും അദ്ദേഹം കൂട്ടിച്ചേർത്തു.