കൊല്ലത്ത് കയർ സംഭരണശാലയ്ക്ക് തീപിടിച്ചു - BMTV

കൊല്ലം: ക്ലാപ്പന ആലുംപിടികയിൽ സ്വകാര്യ കയർ സംഭരണശാലയ്ക്ക് തീപിടിച്ചു. ശാലയുടെ ഷെഡിൽ കയർ ലോഡ് നിറച്ച ലോറി ഉൾപ്പെടെ കത്തിനശിച്ചു.  ക്ലാപ്പന ആലുംപീടിക കോണത്തേരിൽ രാജന്റെ ഉടമസ്ഥയിലുള്ള കയർ സംഭരണശാലയ്ക്കാണു തീ പിടിച്ചത്. ആളപായമില്ല. 

അർധരാത്രി 11.30 ‌നാണ് കയർ സംഭരണശാലയിൽ തീ പടർന്നത്. തുടർന്ന് പ്രദേശത്തെ വൈദ്യുതി ബന്ധം നഷ്ടമായി. പിന്നിട് ഉഗ്ര സ്ഫോടനത്തോടെ പൊട്ടിത്തെറിച്ചു. കരുനാഗപ്പള്ളി, കായംകുളം ഭാഗത്തെ അഗ്നിശമന യൂണിറ്റുകളിൽ നിന്നു 6 യൂണിറ്റ് തീ അണയ്ക്കുവാൻ ശ്രമിക്കുന്നു.സംഭരണശാല പൂർണമായി കത്തി നശിച്ചു.