അടിമാലി: കൊച്ചി - ധനുഷ്കോടി ദേശീയപാതയിൽ ചീയപാറയ്ക്ക് സമീപം ടോറസ് ലോറി അപകടത്തിൽ പെട്ടു. അടിമാലിയിൽ നിന്നും കോതമംഗലത്തിനു വരുകയായിരുന്ന KL 24 K4401 എന്ന നംമ്പറിലുള്ള ടോറസ് നിയന്ത്രണം നഷ്ടപ്പെട്ട് 300 അടി താഴ്ചയിലേക്ക് പതിക്കുകയായിരുന്നു. ഡ്രൈവറും ക്ലീനറും ആണ് മരിച്ചത്.
മണിക്കൂറുകൾ നീണ്ട ശ്രമത്തിനു ശേഷം ആണ് രണ്ടുപേരുടെയും മൃതദേഹങ്ങൾ പുറത്തെടുത്തത്. നിരവധി തവണ താഴേക്ക് മറിഞ്ഞ ശേഷം ലോറി വനത്തിനുള്ളിൽ ദേവയാർ പുഴയുടെ സമീപത്താണ് മറിഞ്ഞ് കിടക്കുന്നത്.
ഹൈവേപോലീസും, ഫയർ ഫോഴ്സും, നാട്ടുകാരും വനപാലകരും ചേർന്ന് രക്ഷാപ്രവർത്തനം നടത്തി. വനമേഖല ആയതിനാലും റോഡിൽ നിന്നും വളരെ താഴെയായതിനാലും രക്ഷാപ്രവർത്തനം ഏറെ ദുഷ്കരമായിരുന്നു.
