തമിഴിലെ സൂപ്പര് താരമായ ധനുഷും ഐശ്വര്യ രജനികാന്തും വേര്പിരിയുകയാണ്. 18 വര്ഷം നീണ്ട ബന്ധമാണ് ഇരുവരും ഉപേക്ഷിക്കുന്നത്. സംവിധായകനും തിരക്കഥാകൃത്തുമായ കസ്തൂരിരാജയുടെ ഇളയമകനാണ് ധനുഷ്.
പരസ്പരം മനസ്സിലാക്കാനുള്ള ആ യാത്രയില് ഒരുമിച്ച് മുന്നോട്ട് പോകാനും പരസ്പരം വിശ്വാസത്തിലെടുക്കാനും നമുക്ക് സാധിച്ചിരുന്നു. ഇന്ന് നമ്മള് അത്തരമൊരു കാര്യത്തില് രണ്ട് വഴികളുടെ അറ്റത്താണ്. അവിടെ വെച്ച് നാം പിരിയുകയാണ് എന്ന് ഐശ്വര്യ പറഞ്ഞു. അതേസമയം ഐശ്വര്യയും ധനുഷും പ്രത്യേകം വാര്ത്താക്കുറിപ്പ് സോഷ്യല് മീഡിയയില് പങ്കുവെച്ചിട്ടുണ്ട്. വിവാഹമോചനത്തില് തങ്ങളുടെ സ്വകാര്യയതയെ മാനിക്കണമെന്നും ഐശ്വര്യ ആവശ്യപ്പെട്ടു. ഇരുവരും ഔദ്യോഗികമായി ഇക്കാര്യം ആരാധകരെ അറിയിച്ചിട്ടുണ്ട്.
2004 നവംബര് 18നാണ് രജനീകാന്തിന്റെ മകള് ഐശ്വര്യയും ധനുഷും വിവാഹിതരായത്. യാത്ര, ലിംഗ തുടങ്ങി രണ്ട് മക്കളും ഇവര്ക്കുണ്ട്. ഐശ്വര്യയുടെ മൂന്ന് എന്ന ആദ്യ ചിത്രത്തിലും നായകന് ധനുഷ് ആയിരുന്നു. ഈ ചിത്രത്തിന്റെ ഷൂട്ടിംഗിനിടെ ശ്രുതി ഹാസനുമായി ധനുഷ് പ്രണയത്തിലായെന്നും ഇത് ഐശ്വര്യ ചൊടിപ്പിച്ചെന്നും റിപ്പോര്ട്ടുകളുണ്ടായിരുന്നു.
