മഞ്ഞപ്ര: സ്വകാര്യ ബസുകൾ വിദ്യാർത്ഥികളെ കയറ്റുന്നില്ലയെന്ന് വ്യാപക പരാതി. മഞ്ഞപ്രയിൽ നിന്ന് തുറവൂർ വഴി അങ്കമാലിക്ക് സർവ്വീസ് നടത്തുന്ന സ്വകാര്യ ബസുകളാണ് വിദ്യാർത്ഥികളെ കയറ്റാതെ ഓടുന്നത്.
മഞ്ഞപ്ര പുത്തൻപള്ളി ബസ് സ്റ്റോപ്പിലെ വിദ്യാർത്ഥികളെ കയറ്റാതെയാണ് ബസ്സുകൾ ഓടുന്നതെന്നാണ് പരാതി. ഇവിടെ 8.30 ന് എത്തുന്ന ബസാണ് കഴിഞ്ഞ കുറച്ച് നാളുകളായി ഇങ്ങനെ പോകുന്നതെന്ന് വിദ്യാർത്ഥികലും നാട്ടുകാരും പറയുന്നു. ഇത് മൂലം വിദ്യാർത്ഥികൾക്ക് സമയങ്ങളിൽ ക്ലാസിൽ എത്താൻ കഴിയുന്നില്ല.
ബസ് മുൻമ്പോട്ട് കയറ്റി നിറുത്തി വിദ്യാർത്ഥികളെ കയറ്റാതെ ഓടുന്ന കാഴ്ചയാണ് ഇവിടെ. വിദ്യാർത്ഥികളെ കയറ്റാതെ സർവ്വീസ് നടത്തുന്ന സ്വകാര്യ ബസുകൾക്കെതിരെ അധികാരികൾ കർശന നടപടി സ്വീകരിക്കണമെന്ന് കെ.എസ്.യു നേതൃത്വം ആവശ്യപ്പെട്ടു.
