രാമപുരം: മാർ ആഗസ്തിനോസ് കോളേജിലെ ഈ വർഷത്തെ ഗ്രാജുവേഷൻ സെറിമണി കോളേജ് ഓഡിറ്റോറിയത്തിൽ വച്ച് നടന്നു. എം.എസ്.ഡബ്ലിയു, എം.എച്.ആർ.എം, എം.എസ്.സി ബയോടെക്നോളേജി, എം.എസ്.സി ഇലക്ട്രോണിക്സ്, എം.എസ്.സി കമ്പ്യൂട്ടർ സയൻസ്, എം.കോം, എം.എ ഇംഗ്ലീഷ് എന്നീ കോഴ്സുകളിൽ മികച്ച വിജയം നേടിയ വിദ്യാർത്ഥികൾ ഗ്രാജുവേഷൻ സെറിമണിയിൽ പങ്കെടുത്തു.
പാലാ രൂപതാ ബിഷപ് മാർ ജോസഫ് കല്ലറങ്ങാട്ട് ഉദ്ഘാടനം നിർവഹിച്ചു. മാണി സി കാപ്പൻ എംഎൽഎ മുഖ്യ പ്രഭാഷണം നടത്തി. കോളേജ് മാനേജർ റവ.ഡോ.ജോർജ് വർഗീസ് ഞാറക്കുന്നേൽ അധ്യക്ഷത വഹിച്ചു.
രാമപുരം പഞ്ചായത്ത് പ്രസിഡന്റ് ഷൈനി സന്തോഷ്, വൈസ് പ്രസിഡന്റ് സണ്ണി പൊരുന്നക്കോട്ട്, പ്രിൻസിപ്പൽ ഡോ.ജോയ് ജേക്കബ്, വൈസ് പ്രിൻസിപ്പൽ സിജി ജേക്കബ്, പഞ്ചായത്ത് മെമ്പർ മനോജ് ചീങ്കല്ലേൽ, അഡ്മിനിസ്ട്രേറ്റീവ് എക്സിക്യൂട്ടീവ് പ്രകാശ് ജോസഫ്, റാങ്ക് ജേതാവ് സ്നേഹ യോഹന്നാൻ എന്നിവർ പ്രസംഗിച്ചു.
