കര്ഷകര് അനുഭവിക്കുന്ന പ്രശ്നങ്ങളെക്കുറിച്ച് നടത്തിയ പരാമര്ശത്തില് താന് ഉറച്ചുനില്ക്കുന്നുവന്ന് നടന് ജയസൂര്യ. ഏതെങ്കിലും രാഷ്ട്രീയ പാര്ട്ടിയുടെ പക്ഷം പിടിച്ചു പറയുന്നതല്ലെന്നും കര്ഷകര്ക്കൊപ്പമാണ് താനെന്നും ജയസൂര്യ പറഞ്ഞു.
കളമശ്ശേരിയില് സംഘടിപ്പിച്ച കാര്ഷികോത്സവത്തില് സംസാരിക്കവെയാണ് കൃഷി മന്ത്രി പി. പ്രസാദിനേയും മന്ത്രി പി. രാജീവിനേയും വേദിയില് ഇരുത്തികൊണ്ട് കര്ഷകരുടെ പ്രശ്നങ്ങളെക്കുറിച്ച് സംസാരിച്ചത്.
കൃഷിക്കാര് അനുഭവിക്കുന്നത് ചെറിയ പ്രശ്നങ്ങള് അല്ലെന്നും നെല്ല് സംഭരിച്ചിട്ട് സപ്ലൈകോ പണം അനുവദിക്കുന്നില്ലെന്നും ജയസൂര്യ പറഞ്ഞു. സഹപ്രവര്ത്തകനും കര്ഷകനുമായ നടന് കൃഷ്ണ പ്രസാദിന്റെ അടക്കം ദുരവസ്ഥ ചൂണ്ടിക്കാട്ടിക്കൊണ്ടായിരുന്നു ജയസൂര്യയുടെ പരാമര്ശം.
.jpg)
