സൗജന്യ നേത്ര പരിശോധന ക്യാമ്പ് നടത്തി

ലയൺസ് ക്ലബ്സ് ഇൻറർനാഷണലിൻ്റെ 2023 - 24 വർഷത്തിലെ പ്രധാന പ്രോജക്ടുകളിൽ ഒന്നായ 'വിഷൻ കെയർ' പ്രോജക്ടിൻ്റെ ഭാഗമായി ലയൺസ് ക്ലബ് ഓഫ് ചെമ്മലമറ്റം സെൻട്രൻ്റെയും ന്യൂ വിഷൻ കണ്ണാശുപത്രിയുടെയും നേതൃത്വത്തിൽവാരിയനിക്കാട് കാർമൽ റാണി പബ്ലിക് സ്കൂളിൽ വിദ്യാർത്ഥികൾക്കും രക്ഷകർത്താക്കൾക്കും സൗജന്യ നേത്ര പരിശോധന ക്യാമ്പ് നടത്തി.  

സ്കൂൾ പ്രിൻസിപ്പൽ സിസ്റ്റർ ജൂബി മരിയയുടെ അധ്യക്ഷതയിൽ കൂടിയ യോഗത്തിൽ പരിപാടിയുടെ ഉദ്ഘാടനം സ്കൂൾ മാനേജർ സിസ്റ്റർ ജോളി മാത്യൂസ് സിഎംസി നിർവഹിച്ചു. ലയൺസ് ഡിസ്ട്രിക്ട് 318 B യുടെ ചീഫ് പ്രോജക്ട്  കോർഡിനേറ്റർ സിബി മാത്യു പ്ലാത്തോട്ടം മുഖ്യപ്രഭാഷണം നടത്തി. 

ക്ലബ് പ്രസിഡൻ്റ് പിസി ജോസഫ് പുറത്തെയിൽ, കുരിയാച്ചൻ തൂങ്കുഴി, മാർട്ടിൻ ജോർജ് കണിപറമ്പിൽ എന്നിവർ പ്രസംഗിച്ചു. ന്യൂ വിഷൻ ഐ ഹോസ്പിറ്റലിൻ്റെ നേതൃത്വത്തിലുള്ള മെഡിക്കൽ സംഘം പരിശോധനകൾ നടത്തി.