പാലാ: 5Kനേവൽ എൻ സി സി യൂണിറ്റ് ചങ്ങനാശ്ശേരിക്ക് കീഴിൽ പ്രവർത്തിക്കുന്ന പാലാ സെൻറ് തോമസ് കോളേജ് നേവൽ വിങ്ങിലെ കേഡറ്റ് ആയ അഭിഷേക് മഹാദേവൻ മഹാരാഷ്ട്രയിലെ ഐ.എൻ.എസ്. ശിവാജി ലെണോവാലയിൽ വെച്ച് നടന്ന ഓൾ ഇന്ത്യ നൗ സൈനിക് ക്യാമ്പിൽ പങ്കെടുത്ത് ഡ്രിൽ കോമ്പറ്റീഷനിൽ വെള്ളിമെഡൽ കരസ്ഥമാക്കി.
കൊല്ലത്തും കൊച്ചി നേവൽ ബേസിലുമായി നടന്ന അഞ്ചുദിന ക്യാമ്പുകളിലെ മികച്ച പ്രകടനത്തിലൂടെയാണ് കേരള ആൻഡ് ലക്ഷദ്വീപ് ഡയറക്ടറേറ്റിനെ പ്രതിനിധീകരിച്ച് ക്യാമ്പിൽ പങ്കെടുക്കുവാൻ യോഗ്യത നേടിയത്.
സെമാഫോർ , ഡ്രിൽ തുടങ്ങിയ മത്സരയിനങ്ങളിൽ പങ്കെടുക്കുകയും കേരള ലക്ഷദ്വീപ് ഡയറക്ടറേറ്റിനുവേണ്ടി വെള്ളി മെഡൽ കരസ്ഥമാക്കുകയും ചെയ്ത അഭിഷേക് മഹാദേവനെ പ്രിൻസിപ്പൽ പ്രൊഫസർ ജയിംസ് ജോൺ മംഗലത്ത് , വൈസ് പ്രിൻസിപ്പൽമാരായ ഡോ.ഡേവിസ് സേവിയർ ഡോ. സാൽവിൻ കാപ്പിലിപ്പറമ്പിൽ എൻസിസി നേവൽ വിംങ് . ANO സബ് ലഫ്റ്റണന്റ് ഡോ. അനീഷ് സിറിയക്, കേഡറ്റ് ക്യാപ്റ്റൻ ജോ ജോസഫ് പി. ഒ . സി. മാരായ അനന്തകൃഷ്ണൻ , ശരത് ആർ ദേവ് തുടങ്ങിയവർ അഭിനന്ദിച്ചു.
