കാവുംകണ്ടം: സെന്റ് മരിയ ഗൊരേത്തി പള്ളിയിൽ ഭാരതത്തിന്റെ 78 -ാം സ്വാതന്ത്ര്യദിനവും പരിശുദ്ധ കന്യകാമറിയത്തിന്റെ സ്വർഗ്ഗാരോപണത്തിരുനാളും ആഘോഷിച്ചു. ജപമാല, ആരാധന, ആഘോഷമായ വിശുദ്ധ കുർബാന എന്നിവ നടന്നു.
തുടർന്ന് വികാരി ഫാ.സ്കറിയ വേകത്താനം സ്വാതന്ത്ര്യദിന പതാക ഉയർത്തി. ഭാരതത്തിന്റെ ഐക്യവും അഖന്ധതയും കാത്തുസൂക്ഷിക്കുവാനും മതസഹിഷ്ണുത സംസ്കാരം കാത്തുസൂക്ഷിക്കാനും സാധിക്കണം.
വിഭാഗീയതയുടെയും ഭിന്നതയുടെയും മതിലുകൾ സൃഷ്ടിക്കുന്നതല്ല മറിച്ച്, സാഹോദര്യവും സഹവർത്തിത്വവും ഇതര മതങ്ങളെ ആദരിക്കുന്ന വിശാല ഹൃദയവുമാണ് നാം വളർത്തിയെടുക്കേണ്ടതെന്ന് ഭാരത സ്വാതന്ത്ര്യ ദിനത്തിൽ അദ്ദേഹം എല്ലാവരെയും ഉദ്ബോധിപ്പിച്ചു. ജസ്റ്റിൻ മനപ്പുറത്ത്, അഭിലാഷ് കോഴിക്കോട്ട്, ജോഷി കുമ്മേനിയിൽ, ഡേവീസ് കല്ലറക്കൽ തുടങ്ങിയവർ പരിപാടികൾക്ക് നേതൃത്വം നൽകി.
