മുംബൈ: ഓഹരി വിപണി ഇന്ന് മികച്ച നേട്ടത്തില്‍ ക്ലോസ് ചെയ്തു. സെന്സെക്സ് 522.01 പോയന്റ് ഉയര്‍ന്ന് 33,825.53ലും നിഫ്റ്റി 152.95 പോയന്റ് നേട്ടത്തില്‍ 9979.10ലുമാണ് വ്യാപാരം അവസാനിപ്പിച്ചത്. തുടര്‍ച്ചയായി അഞ്ചാമത്തെ ദിവസമാണ് ഓഹരി വിപണി മികച്ച നേട്ടത്തില്‍ ക്ലോസ് ചെയ്യുന്നത്.
ബിഎസ്ഇയിലെ 1712 കമ്പനികളുടെ ഓഹരികള്‍ നേട്ടത്തിലും 708 ഓഹരികള്‍ നഷ്ടത്തിലുമായിരുന്നു. 150 ഓഹരികള്‍ക്ക് മാറ്റമില്ല. ബജാജ് ഫിന്‍സര്‍വ്, സീ എന്റര്‍ടെയ്ന്‍മെന്റ്, ബജാജ് ഫിനാന്‍സ്, കൊട്ടക് മഹീന്ദ്ര ബാങ്ക്, ടാറ്റ മോട്ടോഴ്സ് തുടങ്ങിയ ഓഹരികളാണ് പ്രധാനമായും നേട്ടമുണ്ടാക്കിയത്. കോള്‍ ഇന്ത്യ, മാരുതി സുസുകി, ഐടിസി, ബിപിസിഎല്‍, ഡോ.റെഡ്ഡീസ് ലാബ് തുടങ്ങിയ ഓഹരികള്‍ നഷ്ടത്തിലുമായിരുന്നു.
സെക്ടറര്‍ സൂചികകളില്‍ എഫ്എംസിജി ഒഴികെയുള്ളവ നേട്ടമുണ്ടാക്കി. ബിഎസ്ഇ മിഡക്യാപ്, സ്മോള്‍ ക്യാപ് സൂചികകള്‍ 1-2ശതമാനം ഉയര്‍ന്നു. മൂഡീസ് റേറ്റിങ് താഴ്ത്തിയെങ്കിലും നീണ്ട അടച്ചിടലില്‍ ഇളവുകള്‍ നല്‍കിയതോടെ സമ്പദ്ഘടന തിരിച്ചുവരവിന്റെ ലക്ഷണങ്ങള്‍ പ്രകടിപ്പിച്ചതാണ് വിപണിയില്‍ പ്രതിഫലിച്ചത്. ആഗോള സൂചികകളിലെ നേട്ടവും വിപണിക്ക് കരുത്തുപകര്‍ന്നു.
