രാജ്യത്ത് ഇന്നലെ 3,47,254 പേര്ക്കു കോവിഡ് സ്ഥിരീകരിച്ചു. കഴിഞ്ഞ ദിവസത്തേക്കാള് 29,722 പേര്ക്ക് ഇന്നലെ കൂടുതലായി രോഗബാധ കണ്ടെത്തി. ടെസ്റ്റ് പോസിറ്റിവിറ്റി നിരക്ക് 17.94 ശതമാനം. 2,51,777 പേരാണ് ഇന്നലെ രോഗമുക്തി നേടിയത്. മരണം-703. കോവിഡിന്റെ പുതിയ വകഭേദമായ ഒമൈക്രോണ് സ്ഥിരീകരിച്ചവരുടെ എണ്ണം 9,692 ആയി. സംസ്ഥാനത്ത് കൂടുതല് കൊവിഡ് നിയന്ത്രണങ്ങള് ഇന്ന് മുതല് പ്രാബല്യത്തില്.
ഒന്പത് വരെയുള്ള ക്ലാസുകള് ഇന്ന് മുതല് ഓണ്ലൈനിലേക്ക് മാറും. ജില്ലകളിലെ കൊവിഡ് സാഹചര്യത്തിന്റെ അടിസ്ഥാനത്തിലുള്ള നിയന്ത്രണങ്ങളും ഇന്ന് മുതല്. ജില്ലകളെ മൂന്ന് വിഭാഗങ്ങളായി തിരിക്കുന്നതിന് മാനദണ്ഡം നിശ്ചയിച്ചു. നിലവില് രണ്ടാഴ്ചത്തേക്കാണ് സ്കൂളുകള് അടച്ചിടുന്നത്. അതിന് ശേഷം സാഹചര്യം വിലയിരുത്തിയാകും തുറക്കുന്ന കാര്യത്തില് തീരുമാനം എടുക്കുക. ഓണ്ലൈന് ക്ലാസിനുള്ള മാര്ഗനിര്ദേശങ്ങള് കഴിഞ്ഞ ദിവസം ഇറക്കിയിട്ടുണ്ട്.
എല്ലാ സ്കൂളുകളും കൊവിഡ് മാനദണ്ഡം പാലിച്ച് പ്രവര്ത്തിക്കുകയും അധ്യാപകര് സ്കൂളുകളില് എത്തുകയും വേണം. എല്ലാ കുട്ടികള്ക്കും ഡിജിറ്റല് പഠനത്തിനുള്ള സാങ്കേതിക സൗകര്യം സ്കൂള് അധികൃതര് ഉറപ്പ് വരുത്തണം. ഓണ് ലൈന് ക്ലാസിന്റെ ടൈം ടേബിള് ഇന്നലെ പ്രസിദ്ധീകരിച്ചു.
