പാലാ ജനറൽ ആശുപത്രിയിൽ എത്തുന്ന കാൻസർ രോഗികൾക്ക് ചികിത്സ നിഷേധിക്കുന്ന മാണി സി കാപ്പൻ്റെ നിലപാടിനെതിരെ എം.എൽ.എ ഓഫീസിലേക്ക് പ്രതിഷേധ മാർച്ച് സംഘടിപ്പിക്കുമെന്ന് DYFI നേതാക്കൾ അറിയിച്ചു. മാർച്ച് 2ന് രാവിലെ 10ന് കെ.എസ്.ആർ.ടി.സി ജംഗ്ഷനിൽ നിന്നും ആരംഭിക്കും.
പാലാ ജനറൽ ആശുപത്രിയിൽ റേഡിയേഷൻ വിഭാഗം വന്നാൽ ചുറ്റും താമസിക്കുന്നവർക്ക് കാൻസർ വരുമെന്നുള്ള നിരുത്തരവാദ പ്രസ്താവന ഉത്തരവാദിത്വപ്പെട്ട ജനപ്രതിനിധിക്ക് ചേർന്നതല്ലെന്ന് DYFI നേതാക്കൾ കുറ്റപ്പെടുത്തി. പാലാ മീഡിയ അക്കാഡമിയിൽ ചേർന്ന വാർത്താ സമ്മേളനത്തിൽ വിഷ്ണു എൻ.ആർ (ഡി വൈ എഫ് ഐ ജില്ലാ സെക്രട്ടറിയേറ്റംഗം), അജിത് സന്തോഷ് (പാലാ ബ്ളോക്ക് സെക്രട്ടറി), ആതിര ബാബു (പാലാ ബ്ളോക്ക് പ്രസിഡണ്ട്), അമൽ ഡി.കെ (ബ്ളോക്ക് ജോയിൻ്റ് സെക്രട്ടറി) എന്നിവർ പങ്കെടുത്തു.
