സിസിടിവിയിൽ കള്ളനെ കുടുക്കി പോലീസിൽ ഏൽപ്പിച്ച സോണിയയ്ക്ക് പോലീസിന്റെ ആദരം

വീട്ടിൽ എത്തിയ മോഷ്ടാവിനെ  സി സി ടി വി യിലൂടെ കണ്ട് പോലീസിനെ വിവരമറിയിച്ച് മോഷ്ടാവിനെ കുടുക്കിയ  സോണിയ മാത്യുവിന് പോലീസിന്റെ ആദരം. സോണിയ മുത്തോലിയിലെ ഭര്‍തൃവീട്ടിലിരിക്കെ  കീഴൂരിലെ സ്വന്തം വീട്ടിലെ സിസിടിവി ദൃശ്യത്തിലാണ് മോഷ്ടാവിനെ കാണുന്നത്. തുടര്‍ന്ന് വീട്ടുകാര്‍ ഭയപ്പെടാതിരിക്കാന്‍ അവരെ അറിയിക്കാതെ വീടിന് അയല്‍പക്കത്തുള്ളയാളെയും പോലീസ് സ്‌റ്റേഷനിലും അറിയിക്കുകയായിരുന്നു.

സോണിയയുടെ മാതൃകാപരമായ പെരുമാറ്റത്തിനാണ് ജനമൈത്രി പോലീസ് ആദരവർപ്പിച്ചു മൊമെന്റോ കൈമാറിയത്. പാലാ എസ് എച്ച് ഒ കെ പി ടോംസണിന്റെ നേതൃത്വത്തിലുള്ള പോലീസ് സംഘമാണ് വീട്ടിലെത്തി സോണിയക്ക് മൊമെന്റോ കൈമാറിയത്.