പാലാ തൊടുപുഴ ഹൈവേയിൽ പ്രവിത്താനത്ത് ബൈക്കും കാറും കൂട്ടിയിടിച്ചുണ്ടായ അപകടത്തിൽ 6 പേർക്ക് പരിക്കേറ്റു. ബൈക്ക് യാത്രികനായ പൂഞ്ഞാർ സ്വദേശി ജോർജ്ജ് സണ്ണി (22) , കാറിലുണ്ടായിരുന്ന പാലക്കാട് സ്വദേശികളായ മാത്യു സെബാസ്റ്റ്യൻ (57) , അന്നമ്മ തോമസ് (56) , ഫിലോമിന എം എം (57) , മലപ്പുറം സ്വദേശിനി ജിൻസി സുനിൽ (38) എന്നിവർക്കും കാൽനട യാത്രികരായ ഐശ്വര്യ, അമൃത എന്നിവർക്കുമാണ് പരിക്കേറ്റത്.
തൊടുപുഴ ഭാഗത്തുനിന്നും എത്തിയ കാറും പാലാ ഭാഗത്തുനിന്നും എത്തിയ ബൈക്കും തമ്മിലാണ് കൂട്ടിയിടിച്ചത്. മണിമലയിൽ നടക്കുന്ന വിവാഹ ചടങ്ങിൽ പങ്കെടുക്കാൻ പോകുകയായിരുന്നു കാറിലുണ്ടായിരുന്നവർ. പരിക്കേറ്റവരെ പ്രവിത്താനം എം കെ എം ആശുപത്രിയിൽ പ്രവേശിപ്പിച്ചു.
