ചേർപ്പുങ്കൽ : ചേർപ്പുങ്കൽ ബി വി എം ഹോളിക്രോസ് കോളേജ് ഇൻഡോർ സ്റ്റേഡിയത്തിൽ വച്ച് നടന്ന വൈദികർക്ക് വേണ്ടിയുള്ള നാലാമത് റവ ഫാ തോമസ് നാഗനൂലില് മെമ്മോറിയൽ ഷട്ടിൽ ടൂർണമെൻറ് സമാപിച്ചു. സീനിയർ,ജൂനിയർ വിഭാഗങ്ങളിലായി,വിവിധ രൂപതകളിൽ നിന്നും,സന്യസ്ത സഭകളിൽ നിന്നുമായി അറുപതിലധികം വൈദികർ പങ്കെടുത്തു.
ഫെബ്രുവരി മാസം എട്ടാം തീയതി വൈകിട്ട് 6 30 ന് ആരംഭിച്ച മത്സരം പാലാ രൂപതാ സഹായമെത്രാൻ മാർ ജേക്കബ് മുരിക്കൻ പിതാവ് ഉദ്ഘാടനം നിർവഹിച്ചു. ചേർപ്പുങ്കൽ പള്ളി വികാരി ഫാദർ ജോസഫ് പാനംപുഴ അനുഗ്രഹ പ്രഭാഷണവും കോളേജ് പ്രിൻസിപ്പൽ ബേബി സെബാസ്റ്റ്യൻ തോണിക്കുഴി സ്വാഗതവും രാഷ്ട്രദീപിക മാനേജിങ് ഡയറക്ടർ ഫാദർ മാത്യു ചന്ദ്രൻകുന്നേൽ ആശംസകളും, കോളേജ് ബസാർ ഫാ.ജോസഫ് മുണ്ടക്കൽ നന്ദിയും പ്രകാശിപ്പിച്ചു.
രണ്ടുദിവസങ്ങളിലായി 25 ലധികം മത്സരങ്ങൾ നടന്നു. ഫെബ്രുവരി ഒമ്പതിനാണ് ഫൈനൽ മത്സരം നടന്നത്. 45 വയസിനു മുകളിലുള്ളവരുടെ വിഭാഗത്തിൽ ഒന്നാം സമ്മാനം :
ഫാ. ഔസേപ്പറമ്പിൽ , ഫാ. ബോബി കരോട്ടുകിഴക്കേൽ എന്നിവരും. രണ്ടാം സമ്മാനം : ഫാ ജെയിംസ് വെൻമാന്തറ, ഫാ റോബിൻ പട്ടർകാലായിൽ എന്നിവരും നേടി.
45 വയസിനു താഴെ വിഭാഗത്തിൽ ഒന്നാം സമ്മാനം : ഫാ. മാർട്ടിൻ പന്തിരുവേലിൽ, ഫാ. ജോസഫ് വാടവന എന്നിവരും രണ്ടാം
സമ്മാനം : ഫാ. ദേവസ്യാച്ചൻ വട്ടപ്പലം , ഫാ. ജോംസി പുരയിടത്തുമാട്ടേൽ എന്നിവരും നേടി.
വിജയികൾക്കുമുള്ള സമ്മാനങ്ങൾ ഫാ . തോമസ് പുരയിടം സമ്മാനിച്ചു. റവ.ഡോ. ജോർജ് അമ്പഴത്തുങ്കൽ, ഫാ സോമി കൂട്ടിയാനി, ശ്രീ ജെയിൻ തെങ്ങുംപള്ളിക്കുന്നേൽ, കോതനല്ലൂർ എന്നിവരാണ് മത്സരത്തിനായുള്ള സമ്മാനങ്ങൾ സ്പോൺസർ ചെയ്തത്.
കോവിഡ് പ്രോട്ടോക്കോൾ അനുസരിച്ചു നടന്ന മത്സരങ്ങൾക്ക് ചേർപ്പുങ്കൽ കോളേജ് പ്രിൻസിപ്പാൾ റവ. ഡോ. ബേബി സെബാസ്റ്റ്യൻ തോണിക്കുഴിയിൽ , ബർസാർ ഫാ. ജോസഫ് മുണ്ടക്കൽ, ഫാ. ജോസഫ് വിളക്കുന്നേൽ, ജനറൽ കൺവീനർ ഫാ മാത്യു കുരിശിൽമൂട്ടിൽ എന്നിവർ നേതൃത്വം നൽകി.
