കെഎസ്ആർടിസി ബസുകൾക്ക് ജില്ലാടിസ്ഥാനത്തിൽ സീരിയൽ നമ്പർ നൽകാൻ തീരുമാനം.ഓരോ ജില്ലയുടെയും അടിസ്ഥാനത്തിൽ നിലവിലുള്ള ബോണറ്റ് നമ്പർ ഒഴിവാക്കാതെ ബസിന്റെ ഇടതു ഭാഗത്തായി ഓരോ ജില്ലയ്ക്കും രണ്ട് അക്ഷരങ്ങൾ കൂടി ചേർത്ത് നമ്പർ അനുവദിച്ചു.
തിരുവനന്തപുരം - TN , കൊല്ലം - KL, പത്തനംതിട്ട - PT, ആലപ്പുഴ - AL, കോട്ടയം - KT, ഇടുക്കി- ID, എറണാകുളം- EK, തൃശൂർ- TR, പാലക്കാട് - PK, മലപ്പുറം - ML, കോഴിക്കോട്- KK, വയനാട്- WN, കണ്ണൂർ- KN, കാസർകോട് - KG എന്നിങ്ങനെയാകും അക്ഷരങ്ങൾ നൽകുക.
കൂടാതെ കെഎസ്ആർടിസി ബസുകളുടെ കാലപ്പഴക്കത്തിന് അനുസരിച്ച് നമ്പറുകൾ ചേർക്കാനും തീരുമാനമായി. കാലപ്പഴക്കം നോക്കി 1 മുതലുള്ള നമ്പറുകൾ ചേർക്കും. കെഎസ്ആർടിസി ജില്ലാ പൂളിലേക്ക് ബസുകൾ മാറ്റുന്നതിന്റെ ഭാഗമാണിത്.
