പാലാ: പാലാ കെ.എസ്.ആർ.ടി.സി ബസ് സ്റ്റാൻഡിനുള്ളിലെ ബേക്കറിയിൽ മോഷണം. നാലായിരം രൂപയാണ് മോഷണം പോയത്. ഷർട്ടിടാതെ കടയ്ക്കുള്ളിൽ കയറിയ ആളാണ് മേശക്കുള്ളിൽ നിന്നും പണം കവർന്നത്.
കടയിലെ ജീവനക്കാരൻ നാരങ്ങാവെള്ളം എടുത്തുകൊണ്ടിരുന്നപ്പോഴാണ് മോഷ്ടാവ് അകത്തു കയറി മോഷ്ടിച്ചത്. വ്യാഴാഴ്ച ഉച്ചക്ക് ഒന്നരയോടെയാണ് മോഷണം നടന്നത്. പിന്നീട് മേശയിലുണ്ടായിരുന്ന പണം എണ്ണി തിട്ടപ്പെടുത്തുന്നതിനിടെയാണ് പണം നഷ്ടപ്പെട്ട വിവരം കടയുടമ അറിയുന്നത്. പാലാ പോലീസ് കേസെടുത്ത് അന്വേഷണം ആരംഭിച്ചു.
