വൈക്കം ലയൺസ് ക്ലബ്ബും വി സാറ്റ് എഞ്ചിനീയറിങ് കോളേജും സംയുക്തമായി 88ാമത് യൂത്ത് എംപവർമെൻറ് പ്രോഗ്രാമിൻറെ ഭാഗമായി പ്ലസ്ടു വിദ്യാർത്ഥികൾക്ക് കരിയർ ഗൈഡൻസ്പ്രോഗ്രാം വൈക്കം സത്യാഗ്രഹ മെമ്മോറിയൽ ഹാളിൽ സംഘടിപ്പിച്ചു.
വൈക്കം ലയൺസ് ക്ലബ് പ്രസിഡന്റ് തോമസ് വി ടി അധ്യക്ഷത വഹിച്ചു. മുൻസിപ്പൽ ചെയർ പേഴ്സൺ രാധിക ശ്യാമിൻ്റെ സാന്നിധ്യത്തിൽ മുൻ അമേരിക്കൻ അംബാസിഡർ ഡോ: ടി.പി ശ്രീനിവാസൻ ഐ.എഫ്.എസ് ഉദ്ഘാടനം ചെയ്തു.
ലയൺസ് ഫസ്റ്റ് വൈസ് ഡിസ്ട്രിക്ട് ഗവർണർ ഡോക്ടർ ബിനോ ഐ കോശി മുഖ്യ പ്രഭാഷണം നടത്തി. കരിയർ കൺസൾട്ടൻറ് സുദേവൻ കെ.ജെ ക്ലാസ്സുകൾ നയിച്ചു. ലയൺ ഡിസ്ട്രിക്ട് സെക്രട്ടറിയും അഡ്വൈസറുമായ സിബി മാത്യു പ്ലാത്തോട്ടം ആശംസകൾ അർപ്പിച്ചു.
ഓർമ്മ ഇന്റർനാഷണൽ രക്ഷാധികാരി ജോസ് ആറ്റുപുറം, വൈക്കം ലയൺസ് ക്ലബ്ബ് സെക്രട്ടറി സുരേഷ് കുമാർ വി വി, വൈസ് പ്രസിഡന്റ് മാത്യു കെ ജോസഫ്, ട്രഷറർ ജിജോ മാത്യു എന്നിവർ നേതൃത്വം നൽകി.
