പാലാ നഗരസഭ സ്വച്ഛ് ഭാരത് മിഷൻ(അർബൻ)2.0 മേരി ലൈഫ് മേരാ സ്വച്ഛ് ഷഹർ ക്യാംപയിന്റെ ഭാഗമായി പാലാ നഗരസഭയിൽ പുനരുപയോഗയോഗ്യമായ വസ്തുക്കൾ കൈമാറുന്നതിനുള്ള R.R.R (Reduce Reuse Recycle) സെന്ററിന്റെ ഉദ്ഘാടനം നഗരസഭ ചെയർപേഴ്സൺ ജോസിൻ ബിനോ നിർവഹിച്ചു.
പുനരുപയോഗപ്രദമായ തുണിത്തരങ്ങൾ, ഗൃഹോപകരണ സാമഗ്രികൾ, തുടങ്ങിയവ പൊതുജനങ്ങൾക്ക് ഈ സെന്റർ വഴി കൈമാറ്റം ചെയ്യാൻ സാധിയ്ക്കും. നഗരസഭ അങ്കണത്തിൽ നടന്ന ചടങ്ങിൽ കൗൺസിലർമാരായ ബിനു പുളിക്കക്കണ്ടം, ജോസ് എടേട്ട്, ഷീബ ജിയോ, ലിസിക്കുട്ടി മാത്യു, ആനി ബിജോയ്, ശുചിത്വമിഷൻ റിസോഴ്സ് പേഴ്സൺ ഡോ. ഗീതാദേവി നഗരസഭാ ജീവനക്കാർ തുടങ്ങിയവർ പങ്കെടുത്തു.
