രാജ്യത്തെ ഒമ്പത് സംസ്ഥാനങ്ങളിലെ വവ്വാലുകളില് നിപ വൈറസ് സാന്നിധ്യം കണ്ടെത്തിയതായി ഇന്ത്യൻ ഇൻസ്റ്റിറ്റ്യൂട്ട് ഓഫ് മെഡിക്കൽ റിസേർച്ച് പഠനം. കേരളം, തമിഴ്നാട്, കര്ണാടക, ഗോവ, മഹാരാഷ്ട്ര, ബിഹാര്, പശ്ചിമ ബംഗാള്, അസം, മേഘാലയ എന്നീ സംസ്ഥാനങ്ങളിലും പുതുച്ചേരിയിലുമാണ് വൈറസ് സാന്നിധ്യമുള്ളത്.
ഐഎംസിആറിന് കീഴിലെ നാഷണൽ ഇൻസ്റ്റിറ്റ്യൂട്ട് ഓഫ് വൈറോളജി ആണ് ആണ് പഠനം നടത്തിയത്. 14 സംസ്ഥാനങ്ങളിലും രണ്ട് കേന്ദ്രഭരണ പ്രദേശങ്ങളിലും സര്വേ പൂര്ത്തിയായതായി ലാബോറട്ടറി ഗ്രൂപ്പ് നേതാവ് പ്രജ്ഞാ യാദവ് പറഞ്ഞു.
അസമിലെ ധുബ്രി ജില്ല, പശ്ചിമ ബംഗാളിലെ മ്യാനഗുരി, കൂച്ച് ബിഹാര് പ്രദേശങ്ങളിലും കേരളത്തില് കോഴിക്കോടും പഴം തീനി വവ്വാലുകളില് നിപ സാന്നിധ്യം തിരിച്ചറിഞ്ഞിരുന്നു.
രാജ്യത്തെ മറ്റു പ്രദേശങ്ങളില് ഇതു സംബന്ധിച്ച് പഠനങ്ങള് നടത്തിയിരുന്നില്ല. അതുകൊണ്ടാണ് രാജ്യവ്യാപകമായി സര്വേ നടത്താന് തീരുമാനിച്ചത്.
