കണ്ണൂര് : ഓണ്ലൈനില് ഓര്ഡര് ചെയ്ത മൊബൈല്ഫോണിന് പകരം മരക്കഷ്ണം ലഭിച്ചതായി പരാതി. കണ്ണൂര് കേളകം സ്വദേശി ജോസ്മിയാണ് പോലീസില് പരാതി നല്കിയത്.
കഴിഞ്ഞ മാസമാണ് 7299 രൂപ വിലയുള്ള മൊബൈല് ഫോണ് ജോസ്മി ഓണ്ലൈനില് ഓര്ഡര് ചെയ്തത്.
ലഭിച്ച പാക്കറ്റ് തുറന്നു നോക്കിയപ്പോഴാണ് ഫോണിന് പകരം അതേ വലിപ്പത്തിലുള്ള മരക്കഷ്ണമാണ് ഉള്ളിലെന്ന് മനസ്സിലാകുന്നത്. ഉടന് തന്നെ ഡെലിവറി ബോയിയെ വിളിച്ച് കാര്യമറിയിച്ചു. മൂന്നു ദിവസത്തിനുള്ളില് മാറ്റിത്തരാമെന്ന് ഡെലിവറി ബോയ് ഉറപ്പു നല്കുകയും ചെയ്തു. എന്നാല് ഫോണ് ലഭിച്ചില്ല.
കസ്റ്റമര് കെയറിലും കൊറിയര് സര്വീസിലും വിളിച്ച് പരാതിയറിയിച്ചെങ്കിലും തുടര്നടപടികളൊന്നുമുണ്ടായില്ല. മാത്രമല്ല, ഓര്ഡര് കൈപറ്റിയതിനാല് പണം തിരികെ നല്കില്ലെന്നും ഓണ്ലൈന് സൈറ്റിന്റെ കസ്റ്റമര്കെയര് അറിയിച്ചതായി പരാതിയില് പറയുന്നു. തുടര്ന്നാണ് പോലീസില് പരാതിപ്പെടുന്നത്. പരാതി പോലീസ് പരിശോധിച്ചു വരികയാണ്.
.jpg)
.jpg)
.jpg)
