പാലാ റോട്ടറി ക്ലബ്ബിന്റെ നോ ഇന്ത്യ പ്രൊഗ്രാമിന്റെ ഭാഗമായി ഫ്രണ്ട് ഷിപ്പ് ഡേയിൽ ഗ്രാമങ്ങളിലേക്കുള്ള യാത്ര ആരംഭിച്ചു.. മാണി സി കാപ്പൻ എം എൽ എ യാത്ര ഫ്ലാഗ് ഓഫ് ചെയ്തു.
ഇന്ത്യയുടെ ആത്മാവ് ഗ്രാമങ്ങളിലാണെന്ന മഹാത്മ ഗാന്ധിയുടെ സന്ദേശം ഉൾക്കൊണ്ടാണ്.. പാലാ റോട്ടറി ക്ലബ്ബ് 2023 വർഷത്തെ പ്രവർത്തന പരിപാടികളിലൊന്നായി ഇന്ത്യയെ അറിയുക പരിപാടി സംഘടിപ്പിച്ചിരിക്കുന്നത്... ഇതിന്റെ ഭാഗമായി എറണാകുളം ജില്ലയിലെ മരട്, തൃപ്പൂണിത്തുറ, വരാപ്പുഴ തുടങ്ങി അഞ്ചിലേറെ ഗ്രാമങ്ങൾ സന്ദർശനത്തിനായി തിരഞ്ഞെടുക്കുകയായിരുന്നു.
സംഘാംഗങ്ങൾ ഒരു ദിവസം തദ്ദേശ വാസികളോടൊപ്പം ചിലവഴിക്കുകയും വിശേഷങ്ങൾ പങ്കുവയ്ക്കുകയും ഒപ്പം പ്രശ്നങ്ങളും ആവശ്യങ്ങളും മനസ്സിലാക്കി പരിഹരിക്കുന്നതിനും ശ്രമം നടത്തും... ഓഗസ്റ്റ് ആറ് ഫ്രണ്ട് ഷിപ്പ് ഡേയിലാണ് യാത്ര ആരംഭിച്ചത്.. പാലാ റോട്ടറി ക്ലബ്ബിൽ നടന്ന പരിപാടിയിൽ മാണി സി കാപ്പൻ എം എൽ എ യാത്ര ഫ്ലാഗ് ഓഫ് ചെയ്തു.
റോട്ടറി ക്ലബ്ബ് അംഗങ്ങളായ ഡോ ജോസ് കൊക്കാട്ട്, സന്തോഷ് മാട്ടേൽ, സിനി വാച്ചാപറമ്പിൽ, ദേവസ്യാച്ചൻ മറ്റത്തിൽ, പി സി ചെറിയാൻ, ഡോ. ബാബു തോമസ്, ജേക്കബ് സേവ്യർ കയ്യാലക്കകം, ജിമ്മി ചെറിയാൻ തുടങ്ങിയവർ പങ്കെടുത്തു.
പെരുമാട്ടിക്കുന്നേൽ റെജി മാത്യൂ, മിനി മാത്യൂ എന്നിവരാണ് എറണാകുളം ജില്ലയിലെ പര്യടനത്തിന്റെ കോർഡിനേറ്റേഴ്സ്.. കേരളത്തിലെ മറ്റു ഗ്രാമങ്ങളിലും വരും ദിവസങ്ങളിൽ സംഘം സന്ദർശനം നടത്തും.
.jpg)
