ഭയപ്പെടുത്താനും ത്രില്ലടിപ്പിക്കാനും ഷാജി കൈലാസും ഭാവനയും...

ഷാജി കൈലാസ് സംവിധാനം ചെയ്യുന്ന 'ഹണ്ട്' എന്ന ചിത്രത്തിൻ്റെ ട്രെയിലർ പുറത്തിറങ്ങി. ഹൊറർ ത്രില്ലറായ ചിത്രത്തിൽ ഭാവനയാണ് പ്രധാന വേഷത്തിലെത്തുന്നത്. ത്രില്ലടിപ്പിക്കുന്ന രം​ഗങ്ങളുമായാണ് ട്രെയിലർ എത്തിയിരിക്കുന്നത്.

മെഡിക്കൽ ക്യാംപസിന്റെ പശ്ചാത്തലത്തിലാണ് ചിത്രം ഒരുങ്ങുന്നത്. അജ്മൽ അമീർ, അനു മോഹൻ, അതിഥി രവി, രാഹുൽ മാധവ്, ചന്തു നാഥ്, രൺജി പണിക്കർ, ഡെയ്ൻ ഡേവിഡ്, നന്ദു, വിജയകുമാർ എന്നിവരും ചിത്രത്തിലുണ്ട്.

നിഖിൽ ആനന്ദാണ് ചിത്രത്തിന്റെ തിരക്കഥയൊരുക്കിയിരിക്കുന്നത്. ജാക്സൺ ഛായാ​ഗ്രഹണവും കൈലാസ് മേനോൻ സം​ഗീതസംവിധാനവും നിർവഹിക്കുന്നു. ബോബനാണ് കലാസംവിധാനം. ജയലഷ്മി ഫിലിംസിൻ്റെ ബാനറിൽ കെ.രാധാകൃഷ്ണനാണ് ഹണ്ട് നിർമ്മിക്കുന്നത്.