തീക്കോയി: തീക്കോയി ഗ്രാമപഞ്ചായത്ത് രണ്ടാം വാർഡിൽ ടൗണിൽ സ്ഥാപിച്ച ഹൈമാസ്റ്റ് ലൈറ്റിന്റെ ഉദ്ഘാടനം ഒക്ടോബർ 14 ന്. വൈകുന്നേരം 5:30 മണിക്ക് ആന്റോ ആന്റണി എംപി ഉദ്ഘാടനം നിർവഹിക്കും.
ആന്റോ ആന്റണി എം പി യുടെ പ്രാദേശിക വികസന ഫണ്ടിൽ നിന്നും 3,87,327 രൂപ ഉപയോഗിച്ചാണ് ഹൈമാസ്റ്റ് ലൈറ്റ് സ്ഥാപിച്ചത്.10 മീറ്റർ ഉയരമുള്ള ഹൈമാസ്റ്റ് ലൈറ്റ് ആണ് സ്ഥാപിച്ചിട്ടുള്ളത്.
തീക്കോയി സഹകരണ ബാങ്ക് ജംഗ്ഷൻ, അറമത്ത് പട്ടണം, വേലത്തുശ്ശേരി ടൗൺ എന്നിവിടങ്ങളിൽ കൂടി എം പി ഫണ്ടിൽനിന്നും ഹൈമാസ്റ്റ് ലൈറ്റ് അനുവദിച്ചിട്ടുണ്ടെന്നും ഒക്ടോബർ 31ന് മുമ്പ് മുഴുവൻ ലൈറ്റുകൾ സ്ഥാപിക്കുമെന്നും പ്രസിഡന്റ് കെ സി ജെയിംസ് അറിയിച്ചു.
