സ്കൂൾ ഗ്രാമത്തിൽ ഇറങ്ങി നല്ലപാഠത്തിന്റെ നാട്ടുകുട്ടം ശ്രദ്ധയമായി

ലഹരി ഉപേക്ഷിക്കു ജീവിതം സുന്ദരമാക്കു എന്ന സന്ദേശവുമായി ചെമ്മലമറ്റം ലിറ്റിൽ ഫ്ളവർ ഹൈസ്കൂളിലെ നല്ല പാഠത്തിന്റെ നേതൃത്വത്തിൽ ഗ്രാമങ്ങളിൽ സംഘടിപ്പിക്കുന്ന നാട്ടുകുട്ടം ശ്രദ്ധയമാകുന്നു. തിടനാട് പഞ്ചായത്തിലെ ആറാം വാർഡിൽ നടത്തിയ നാട്ടുകുട്ടത്തിൽ വലിയ ജനപങ്കാളിത്തം ഉണ്ടായി

ജനപ്രതിനിധികൾ മാതാപിതാക്കൾ വിദ്യാർത്ഥികൾ വിവിധ അയൽ കുട്ടങ്ങൾ സംഘടന പ്രതിനിധികൾ തുടങ്ങി എല്ലാ മേഖലകളിലും ഉള്ളവർ നാട്ടുകുട്ടത്തിൽ പങ്കാളികൾ ആയി ലഹരി എന്ന മഹാ വിപത്തിന് എതിരേ ഒരു ഗ്രാമം ഒരുമയോടെ കൈകോർത്തത് നാട്ടുകുട്ടത്തിന്റെ വിജയമായി.

പാലാ സെന്റ്തോമസ് ടെയിനിംഗ് കോളേജ് അസോസിയേറ്റ് പ്രഫസർ അലക്സ് ജോർജ് കാവുകാട്ട് ക്ലാസ്സ് നയിച്ചു. ഈരാറ്റുപേട്ട ബ്ലോക്ക് പഞ്ചായത്ത് പ്രസിഡന്റ് ശ്രീകല ആർ ഉദ്ഘാടനം ചെയ്തു ബ്ലോക്ക് മെബർ മിനി സാവിയോ, വാർഡ് മെബർമാരായ രമേശ് ഇലവുങ്കൽ, ലിസി തോമസ് അഴകത്ത്, ഹെഡ് മാസ്റ്റർ സാബു മാത്യു, പിടിഎ പ്രസിഡന്റ് ജിജി വെട്ടത്തേൽ തുടങ്ങിയവർ പ്രസംഗിച്ചു.