വെള്ളിയാമറ്റം: സെൻറ് ജോസഫ്സ് യു.പി. സ്കൂളിലെ വിദ്യാരംഗം കലാ - സാഹിത്യ വേദിയും വിവിധ ക്ലബുകളും സംസ്ഥാന സ്കൂൾ പാഠപുസ്തക രചനാ സമിതി മെബർ റോയ് ജെ കല്ലറങ്ങാട്ട് ഉദ്ഘാടനം ചെയ്തു. മാനേജർ ഫാ. ജയിംസ് വെട്ടുകല്ലേൽ അധ്യക്ഷത വഹിച്ചു. സഹകരണ ബാങ്ക് പ്രസിഡൻറ് കെ.എം ജോസ് മുഖ്യ പ്രഭാഷണം നടത്തി.
ഹെഡ്മാസ്റ്റർ റോയി. വി. ജോർജ്, പി.ടി.എ പ്രസിഡൻ്റ് റിനേഷ് തോമസ്, വിദ്യാരംഗം കോ - ഓർഡിനേറ്റർ ലീന വർഗീസ്, അഭിരാമി ശ്രീകുമാർ എന്നിവർ പ്രസംഗിച്ചു. വിദ്യാർഥികളുടെ വിവിധ കലാപരിപാടികളും അരങ്ങേറി.
