ഷാഹുൽ ഹമീദ് ഐ.പി.എസ്. കോട്ടയം ജില്ലാ പോലീസ് മേധാവി

കോട്ടയം: പുതിയ ജില്ലാ പോലീസ് മേധാവിയായി എ. ഷാഹുൽ ഹമീദിനെ നിയമിച്ചു. മൂവാറ്റുപുഴ സ്വദേശിയായ ഇദ്ദേഹം 2020 ഐ.പി.എസ്. ബാച്ചുകാരനാണ്.

നിലവിലെ ജില്ലാ പോലീസ് മേധാവി കെ.കാർത്തിക്കിനെ വിജിലൻസ് ആൻഡ് ആന്റി കറപ്ഷൻ ബ്യൂറോ ഹെഡ് ക്വാർട്ടേഴ്സ് എസ്.പി.യായി മാറ്റിനിയമിച്ചു. മലപ്പുറത്ത് പരിശീലനം പൂർത്തിയാക്കിയ ഷാഹുൽ ഹമീദ് പാലക്കാട് എ.എസ്.പി.യായിരുന്നു. 

നിലവിൽ തൃശ്ശൂരിലെ ഇന്ത്യൻ റിസർവ് ബറ്റാലിയൻ (ഐ.ആർ.ബി.) കമാൻഡന്റാണ്. മൂവാറ്റുപുഴ നിർമല കോളേജിലും കാലടി സംസ്കൃത സർവകലാശാലയിലുമായിരുന്നു വിദ്യാഭ്യാസം.