അരുവിത്തുറ: ചെണ്ടമേളത്തിൻ്റെ അകമ്പടിയോടെ, പുലികളിയുടെ നൃത്തച്ചുവടിൽ, മാവേലിമന്നനെ എതിരേറ്റ് ഓണാഘോഷത്തിന് തുടക്കം കുറിച്ചപ്പോൾ നായികാ - നായകൻ വിജയിയും സിനിമാതാരവുമായ ദർശന എസ്.നായർ വിശിഷ്ടാതിഥിയായെത്തി.
മെഗാ തിരുവാതിരക്കായി പ്രത്യേകം തയ്യാറാക്കാക്കിയ നിലവിളക്ക് തെളിച്ചാണു താരം ഓണാഘോഷം ഉദ്ഘാടനം ചെയ്തത്. തുടർന്ന് LKG മുതൽ 10-ാം ക്ലാസ് വരെയുള്ള കുട്ടികളുടെ വിവിധ പ്രോഗ്രാമുകൾ ഒരുമയുടെയും സാഹോദര്യത്തിൻ്റെയും തിളക്കം കൂട്ടി.
മലയാളി മങ്കാ, കേരളശ്രീമാൻ മത്സരം, ഫാഷൻ ഷോ, ഓണപ്പാട്ട്, സംഘനൃത്തം തുടങ്ങിയ പരിപാടികൾ ഹൃദ്യമായിരുന്നുവെങ്കിലും മെഗാ തിരുവാതിര കൂടുതൽ സ്കോർ ചെയ്തു. ഉച്ചയൂണിനു ശേഷമുള്ള പായസവിതരണം കുട്ടികൾക്ക് മധുരിക്കുന്ന അനുഭവമായി.
ഹൗസ് അടിസ്ഥാനത്തിൽ നടത്തിയ വടംവലിയിൽ നാലു ടീമുകളും വാശിയോടെ പങ്കെടുത്തു. അൽഫോൻസിയൻസിൻ്റെ ചരിത്രത്തിലെ ജ്വലിക്കുന്ന മുഹൂർത്തമായി ആരവ് 2k24.
