പാലാ: പ്രശസ്ത തീർത്ഥടനകേന്ദ്രമായ പാലാ കിഴതടിയൂർ പള്ളിയിൽ വി. യൂദാശ്ലീഹായുടെ നൊവേന തിരുനാൾ ഒക്ടോബർ 19 ശനിയാഴ്ച്ച മുതൽ 28 തിങ്കളാഴ്ച്ച വരെ ഭക്തിപൂർവ്വം ആഘോഷിക്കുന്നതായി ഭാരവാഹികൾ കൊട്ടാരമറ്റം മീഡിയ അക്കാദമിയിൽ സംഘടിപ്പിച്ച വാർത്താസമ്മേളനത്തിൽ അറിയിച്ചു.
19 ആം തിയതി ശനിയാഴ്ച 9.45 ന് രാവിലെ മോൺ ജോസഫ് തടത്തിൽ തിരുനാൾ കോടിയേറ്റ് കർമ്മം നിർവ്വഹിക്കും. 26 ശനി രാവിലെ 8.30 ന് വിശുദ്ധ യൂദാശ്ലീഹായുടെ തിരുസ്വരൂപം പരസ്യ വണക്കത്തിനായി പ്രതിഷ്ഠിക്കും. 
പത്തു ദിവസം നീണ്ടുനിൽക്കുന്ന നൊവേന തിരുനാളിൽ അത്ഭുത പ്രവർത്തകനായ വിശുദ്ധ യൂദാശ്ലീഹായുടെ നെയ്യപ്പ നേർച്ചയും വെ ഞ്ചരിപ്പും 28 ന് രാവിലെ 5.15 ന് നടക്കും. രാവിലെ 10 ന് മാർ ജോസഫ് കല്ലറങ്ങാട്ട് ആഘോഷമായ തിരുനാൾ കുർബാന അർപ്പിച്ച് സന്ദേശം നൽകും.
വാർത്താസമ്മേളനത്തിൽ ടോമി കെ കെ കട്ടുപ്പാറയിൽ , കെ സി ജോസഫ് കൂനംകുന്നേൽ , ജോജി ജോർജ് പൊന്നാടംവാക്കൽ , പി ജെ തോമസ് പനയ്ക്കൽ എന്നിവർ പങ്കെടുത്തു.
